Kartik Aaryan Films : ‘भूल भुलैया ३’च नव्हे, तर कार्तिक आर्यनच्या ‘या’ चित्रपटांनीही बॉक्स ऑफिसवर घातला धुमाकूळ!

कार्तिक आर्यन आणि तृप्ती डिमरी यांचा 'भूल भुलैया ३' हा चित्रपट बॉक्स ऑफिसवर तुफान कमाई करत आहे. या चित्रपटाने पहिल्याच दिवशी ३५ कोटींची कमाई केली असून, यासोबतच हा कार्तिक आर्यनचा रिलीजच्या दिवशी सर्वाधिक कमाई करणारा चित्रपट ठरला आहे. पण, रिलीज झाल्यानंतरही चित्रपटाचे गणित बदलते. अशा वेळी ‘भूल भुलैया ३’ हा पहिल्या वीकेंडमध्ये कार्तिक आर्यनचा सर्वाधिक कमाई करणारा चित्रपट बनू शकेल का? या यादीत कोणते चित्रपट समाविष्ट आहेत ते जाणून घेऊया.

पहिल्या वीकेंडलाच कार्तिक आर्यनच्या सर्वाधिक कमाई करणाऱ्या चित्रपटांमध्ये 'भूल भुलैया २' हे पहिले नाव आहे. या चित्रपटाने भारतीय बॉक्स ऑफिसवर पहिल्या तीन दिवसांत ५५ कोटी ९६ लाख रुपयांचा व्यवसाय केला होता.

गेल्या वर्षी प्रदर्शित झालेला कार्तिक आर्यनचा 'सत्यप्रेम की कथा' हा चित्रपट काही कारणांमुळे वादात अडकला होता, पण त्याने बॉक्स ऑफिसवर प्रचंड कमाईही केली होती. या चित्रपटाचे ओपनिंग वीकेंड कलेक्शन ३७ कोटी ३५ लाख रुपये होते.

'पति पत्नी और वो' हा देखील कार्तिक आर्यनच्या रिलीजनंतर पहिल्या तीन दिवसांत सर्वाधिक कमाई करणाऱ्या सिनेमांच्या यादीत आहे. या चित्रपटाचे पहिल्या वीकेंडचे कलेक्शन ३५ कोटी ९४ लाख रुपये होते.

या यादीत चौथ्या स्थानावर २०१९मध्ये प्रदर्शित झालेला 'लुका छुपी' हा चित्रपट आहे. या चित्रपटाने पहिल्या आठवड्यात ५३ कोटी ७० लाखांची कमाई केली होती आणि पहिल्या वीकेंडचे कलेक्शन ३२ कोटी १३ लाख रुपये होते.

कार्तिक आर्यन आणि लव रंजन यांच्या जोडीने चाहत्यांना कधीही निराश केले नाही. 'सोनू के टीटू की स्वीटी' हा चित्रपट २०१८ साली प्रदर्शित झाला होता आणि या चित्रपटाचे पहिल्या वीकेंडचे कलेक्शन २६ कोटी ५७ लाख रुपये होते.

कार्तिक आर्यनच्या 'लव्ह आज कल' या चित्रपटाला लोकांकडून फारसे प्रेम मिळाले नाही, पण तरीही त्याच्या आणि सारा अली खानच्या जोडीचे कौतुक झाले. हा चित्रपट फ्लॉप ठरला पण पहिल्या वीकेंडमध्ये याने २६ कोटींची कमाई केली.