Beautiful Lake In India: 'हे' आहेत भारतातील ५ सर्वात सुंदर तलाव, तुम्हालाही पडेल भुरळ

भारतातील नैसर्गिक सौंदर्य देश-विदेशातील पर्यटकांना आकर्षित करते. येथील पर्वत, हिरवळ, नद्या, धबधबे आणि तलाव हे कोणत्याही परदेशी स्थळापेक्षा कमी वाटत नाही. अशा परिस्थितीत टीव्हीवर दाखवले जाणारे कोणतेही सुंदर ठिकाण पहायचे असेल तर ती जागा फक्त परदेशातच पाहता येईल असे समजू नका. भारतात फिरायला जा आणि येथे तुम्हाला सौंदर्याची अनेक अप्रतिम उदाहरणे मिळतील. 

तुम्हाला एखाद्या सुंदर ठिकाणी शांतता अनुभवायची असेल, तर तुम्ही भारतात असलेल्या तलावांचा आनंद घेऊ शकता. भारतात अनेक तलाव आहेत जे खूप प्रसिद्ध आहेत, परंतु येथे आम्ही तुम्हाला भारतातील पाच सर्वात सुंदर तलावांबद्दल सांगणार आहे. यावेळी तुम्ही सहलीचे नियोजन करत असाल तर या तलावांना भेट द्यायला विसरू नका. भारतातील पाच सर्वात सुंदर तलाव पुढीलप्रमाणे....

दल सरोवर- भारतातील सरोवरांचे नाव डोळ्यासमोर आले की सर्वात पहिले नाव येते ते म्हणजे दल सरोवर. भारताचा स्वर्ग म्हटल्या जाणाऱ्या काश्मीरला भेट द्यायला गेलात तर कळेल त्याला स्वर्ग का म्हणतात. दल सरोवर हे हनीमूनसाठी प्रसिद्ध  डेस्टिनेशन असलेल्या काश्मीरमध्ये आहे. ज्याचे अनोखे आणि अप्रतिम सौंदर्य प्रत्येकाला भुरळ पाडते. तुमच्या जोडीदारासोबत रोमँटिक क्षण घालवण्यासाठी दल लेकची सहल हा एक उत्तम पर्याय आहे.

वुलर तलाव, जम्मू आणि काश्मीर- वुलर सरोवरही काश्मीरमध्ये आहे. याला सर्वात सुंदर तलाव म्हणता येईल. हे देशातील सर्वात मोठ्या गोड्या पाण्याच्या तलावांपैकी एक आहे. एवढेच नाही तर वुलर लेक हे आशियातील सर्वात लांब गोड्या पाण्याचे सरोवर मानले जाते.

सोन बील तलाव- आसाममध्ये सोन बील नावाचे एक सुंदर तलाव आहे. त्याला वेटलँड असेही म्हणतात. करीमगंजमध्ये असलेल्या या तलावाला तुम्ही उन्हाळ्यात भेट देऊ शकता. सरोवराच्या काही भागात हिवाळ्यात शेतीही होते.

चिल्का तलाव- ओडिशातील चिल्का तलाव हे देखील अतिशय सुंदर तलाव आहे. चिल्का सरोवर हे भारतातील सर्वात मोठ्या किनारपट्टीवरील तलावांपैकी एक मानले जाते. तलावाला भेट देताना तुम्हाला डॉल्फिन पाहायला मिळू शकतात. थोडं पुढे गेल्यावर तलावाचा संगम दिसतो, तिथे पाण्याचा रंगही बदललेला दिसतो.

लोकटक तलाव- लोकटक तलाव मणिपूरमध्ये आहे. लोकटक तलावाला गोड्या पाण्याचे तलाव असेही म्हणतात. या तलावाच्या सौंदर्यामुळे तुमचा सर्व ताण कमी होऊ शकतो. तलावात फेरफटका मारल्याने मन शांत होते.