Ayodhya Ram Lalla : घरबसल्या करा गर्भगृहात विराजमान रामलल्लाचं दर्शन, पाहा Photo

आज दुपारी १२ वाजून २९ मिनिटांनी ८४ सेकंदाच्या शुभ मुहूर्तावर रामलल्लाची प्राण प्रतिष्ठा केली गेली. प्राण प्रतिष्ठानंतर रामलल्लाचे फोटोही समोर आले आहेत. डोक्यावर सुवर्ण मुकूट, कपाळावर टिळा, दोन्ही हातात सुवर्ण धनुष्यबाण असलेल्या रामलल्लाची अद्भुत झलक दिसून येत आहे.

पंतप्रधान मोदी यांनी गर्भगृहात मुख्य यजमानच्या रुपात  पूजा अर्चना केली.  त्यानंतर केवळ ८४ सेकंदाच्या  शुभ मुहूर्तावर प्राण प्रतिष्ठा केली गेली. यावेळी आरएसएस प्रमुख मोहन भागवतही उपस्थित होते.

रामलल्ला प्राण प्रतिष्‍ठानंतर मोदींनी रामलल्लासमोर नतमस्तक होत वंदन केलं. 

रामलल्लाच्या प्राण प्रतिष्‍ठा विधीनंतर पंतप्रधान मोदींनी रामलल्लासमोर साष्टांग नमस्कार केला. 

राम लल्लाच्या मूर्तीची उंची ४.२४ फूट आहे तर वजन २०० किलो आहे. प्रभू श्रीरामांच्या मूर्तीचा शृंगारही खुपच सुंदर पद्धतीने केला आहे. 

काळ्या पाषाणापासून बनवलेली ही मूर्ती शतकानुशतके आहे तशीच राहणार आहे.  २४ जून २०२३ रोजी जेव्हा अरुण योगी राज यांची अयोध्येत प्रवेश झाला होता. तेव्हा कोणी कल्पणाही केली नव्हती की, त्यांच्या द्वारे बनवण्यात आलेल्या रामल्लाच्या मूर्तीची प्राणप्रतिष्ठा केली जाईल.