WTC Final 2023 : टेस्ट चॅम्पियनशीप जिंकल्यानंतर ऑस्ट्रेलियाचा जल्लोष, फोटो पाहा
WTC Final 2023 : टेस्ट चॅम्पियनशीप जिंकल्यानंतर ऑस्ट्रेलियाचा जल्लोष, फोटो पाहा
Jun 11, 2023 09:32 PM IST
- australia cricket team celebration photos after wtc final : ऑस्ट्रेलियाने वर्ल्ड टेस्ट चॅम्पियनशीप जिंकली आहे. टेस्ट चॅम्पियनशीपच्या अंतिम सामन्यात भारताचा २०९ धावांनी पराभव झाला. WTC फायनलमध्ये भारताचा दुसरा डाव २३४ धावांत आटोपला. भारतासमोर टेस्ट चॅम्पियन बनण्यासाठी ४४४ धावांचे लक्ष्य होते.
(1 / 8)
ऑस्ट्रेलियाने वर्ल्ड टेस्ट चॅम्पियनशीप जिंकली. यासह सर्व आयसीसी ट्रॉफी जिंकणारा ऑस्ट्रेलिया पहिला संघ ठरला आहे. त्याचबरोबर भारताला सलग दुसऱ्यांदा टेस्ट चॅम्पियनशिपच्या अंतिम फेरीत पराभवाचा सामना करावा लागला.
(2 / 8)
वर्ल्ड टेस्ट चॅम्पियनशिपच्या अंतिम सामन्यात ऑस्ट्रेलियाने भारताचा २०९ धावांनी पराभव केला. त्याचवेळी या विजयानंतर ऑस्ट्रेलियन खेळाडूंनी जल्लोष साजरा केला.
(3 / 8)
भारताचा पराभव करून ऑस्ट्रेलियाने प्रथमच वर्ल्ड टेस्ट चॅम्पियनशिप फायनल जिंकली. त्याचवेळी टीम इंडियाला सलग दुसऱ्यांदा वर्ल्ड टेस्ट चॅम्पियनशिपच्या फायनलमध्ये पराभवाला सामोरे जावे लागले.
(4 / 8)
भारत आणि ऑस्ट्रेलिया यांच्यातील वर्ल्ड टेस्ट चॅम्पियनशिपचा अंतिम सामना लंडनच्या ओव्हल मैदानावर खेळला गेला. या सामन्यात भारतीय कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला.
(5 / 8)
नाणेफेक हारल्यानंतर ऑस्ट्रेलियाने प्रथम फलंदाजी करताना ४६९ धावा केल्या. ऑस्ट्रेलियाकडून ट्रॅव्हिस हेड आणि स्टीव्ह स्मिथ यांनी शानदार शतकी खेळी खेळली.
(6 / 8)
यानंतर भारतीय संघ पहिल्या डावात अवघ्या २९६ धावांत गारद झाला. भारताकडून केवळ अजिंक्य रहाणे आणि शार्दुल ठाकूर यांनी अर्धशतकी खेळी खेळली. याशिवाय उर्वरित फलंदाजांनी निराशा केली. तर ऑस्ट्रेलियाला १७३ धावांची आघाडी मिळाली.
(7 / 8)
त्यानंतर ऑस्ट्रेलियाने आपला दुसरा डाव ८ बाद २७० धावांवर घोषित केला. अशा प्रकारे वर्ल्ड टेस्ट चॅम्पियनशिप फायनल जिंकण्यासाठी भारतासमोर ४४४ धावांचे लक्ष्य होते.
(8 / 8)
दुसऱ्या डावातही भारतीय फलंदाजांचा फ्लॉप शो कायम राहिला. टीम इंडियाच्या एकाही फलंदाजाला दुसऱ्या डावात पन्नास धावांचा आकडा पार करता आला नाही. विराट कोहलीने ४९ धावा केल्या. तर अजिंक्य रहाणेने ४६ धावांची खेळी केली. भारतीय संघ अवघ्या २३४ धावांवर गारद झाला. अशा प्रकारे पॅट कमिन्सच्या नेतृत्वाखालील कांगारू संघाने २०९ धावांनी सामना जिंकला.
इतर गॅलरीज