अप्पीने दिलेलं वचन निभावलं, पण छोट्या पावलांनी शेवटी बाबांना शोधलं! मालिकेत नवे वळण
अप्पीने दिलेलं वचन निभावलं, पण छोट्या पावलांनी शेवटी बाबांना शोधलं! मालिकेत नवे वळण
Apr 29, 2024 10:39 AM IST
- 'अप्पी आमची कलेक्टर' मालिका एका वेगळ्या वळणावर पोहोचली आहे. मालिकेत अप्पीने अर्जुनला वचन दिले आहे. ती ते पूर्ण करताना दिसत आहे.
(1 / 5)
'अप्पी आमची कलेक्टर' या मालिकेत एक नवा अध्याय सुरु होत आहे. मालिकेत अप्पी आणि अर्जुनने वेगळे होण्याचा निर्णय घेतला आहे. त्यानंतर आता मालिका ७ वर्षाची लीप घेत आहे. अप्पी आणि अर्जुन दोघेही ७ वर्ष आपल्या जीवनात वेगवेगळ्या वाटेवर जगत असताना आता नियती परत त्यांना एकमेकांसमोर उभे करणार आहे.
(2 / 5)
नुकताच या मालिकेचा एक प्रोमोसमोर आला आहे. या प्रोमोत अप्पी अर्जुनला वचन देते की, ती अमोलला त्याचा वडिलांबद्दल कधीच काही सांगणार नाही. पण सात वर्षानंतर, अप्पी उत्तराखंडमधील अल्मोराला कलेक्टर म्हणून काम करत असताना अर्जुन पुन्हा त्यांच्या आयुष्यात येतो.
(3 / 5)
अर्जुन एका गुन्हेगाराच्या शोधात उत्तराखंडला येतो. अमोलचा रिझल्ट असल्याने तो देवाला रिझल्टसाठी नाही तर अप्पीला त्याच्या शाळेतील करामती कळू नये म्हणून प्रार्थना करतोय, मंदिरात घंटा वाजवण्यासाठी त्याचा हात पोचत नाहीये त्याचवेळेस अर्जुन तिकडे येऊन आपल्या खांद्यावर घेऊन अमोलला घंटा वाजवायला मदत करतो.
(4 / 5)
अप्पी आणि अर्जुन यांच्या नवीन लूक बाबत चर्चा होताना दिसतेय आणि या प्रोमोला सुद्धा प्रेक्षकांची पसंती मिळतेय. या मालिकेत बालकलाकार ‘साईराज केंद्रेने’ एंट्री घेतली आहे
(5 / 5)
साईराज हा या मालिकेत अप्पी आणि अर्जुनचा मुलगा अमोलचे पात्र साकारणार आहे. मालिकेत प्रेक्षकांना गोष्ट सात वर्षांनी पुढे गेलेली पाहायला मिळेल. अप्पीने मुलाला वडिलांपासून दूर ठेवण्याचं वचन निभावलं पण, या छोट्या पावलांनी बाबांना शोधलं…आता सात वर्षांपूर्वी तुटलेली नाती, पुन्हा जोडली जातील का? हे मालिकेच्या आगामी भागात कळेल.
इतर गॅलरीज