Apara Ekadashi : अपरा एकादशी; जाणून घ्या व्रताचे नियम, या दिवशी काय खावे व काय खाऊ नये

अपरा एकादशीचे व्रत, जे महान संपत्ती आणि कीर्ती देते, हे एकादशीचे व्रत वैशाख महिन्याच्या तीव्र उष्णतेमध्ये पाळले जाते. या व्रताच्या प्रभावाने व्यक्तीच्या अपूर्ण इच्छा पूर्ण होतात आणि तो मृत्यूनंतर वैकुंठालाही जातो अशी मान्यता आहे.

यंदा अपरा एकादशी दोन दिवसांची आहे. गृहस्थ २ जून रोजी अपरा एकादशीचे व्रत करतील आणि ३ जून २०२४ रोजी वैष्णव एकादशी साजरी करतील. जाणून घ्या अपरा एकादशीच्या व्रताला काय खावे व काय खाऊ नये, शास्त्रात एकादशी व्रताचे काय नियम आहेत.

एकादशीचे व्रत चार प्रकारे पाळले जाते. एकादशी व्रताचे चार प्रकारे वर्णन धार्मिक ग्रंथात केले आहे. ज्यामध्ये पाणी पिणारे, दूध पिणारे, फळ खाणारे, रात्रीचे एक वेळ खाणारे.

ज्यांना शक्य आहे त्यांनी फक्त पाणी प्यावे आणि व्रत करावे. पाणी हा सगळ्यात महत्वाचा घटक आहे. दिवसभराच योग्य प्रमाणात पाणी प्यायल्याने आपले आरोग्य चांगले राहण्यास मदत होते.

दुग्धोपवास

या उपवासात दिवसातून ३ ते ४ वेळा फक्त दुध पिऊन व्रत केले जाते. 

फळे – एकादशीला फक्त फळे खाऊन उपवास करावा. इतर सर्व एकादशांप्रमाणे अपरा एकादशी व्रताचे कठोरपणे आचरण करणारे लोक दशमीच्या दिवशी दुपारी भोजन करतात.

नक्तभोजी- 

दिवसातून एकदा सूर्यास्तापूर्वी फळे आणि उपवासाचे पदार्थ खाणे. यामध्ये साबुदाण्याची खीचडी, साबुदाण्याती खीर, रताळे इ. उपवासाचे पदार्थ खावे.

अपरा एकादशी व्रताला काय खावे : 

एकादशीचे व्रत भगवान विष्णूला समर्पित आहे. वर्षभरातून २४ एकादशीचे व्रत पाळले जाते. अपरा एकादशीच्या व्रतामध्ये भाविकांना साबुदाणा, बदाम, नारळ, रताळे, काळी मिरी, खडे मीठ, साखर इत्यादी खाऊ शकतात. हे एकादशी नक्तभोजी व्रताच्या नियमांतर्गत येतात. अध्यात्म सुधारण्यासाठी एकादशी हे अतिशय शक्तिशाली व्रत आहे.

एकादशीच्या व्रताला काय खाऊ नये : 

एकादशीच्या व्रताला घरी भात शिजवू नये. या दिवशी उपवास करणाऱ्या व्यक्तीने व कुटुंबातील सदस्यांनी मांस, लसूण, कांदा, मसूर इत्यादी निषिद्ध पदार्थ खाऊ नयेत.