Akaay Name Meaning: विराट-अनुष्काने मुलाचे नाव ठेवले 'अकाय', काय आहे अर्थ?

अनुष्काने-विराटने २० फेब्रुवारी रोजी चाहत्यांसोबत गूड न्यूज शेअर केली. मात्र, खरंतर त्यांच्या बाळाचा जन्म १५ फेब्रुवारी झाला आहे.

आता विराट कोहली आणि अनुष्का शर्मा या दोघांनी स्वतःहून त्यांच्या दुसऱ्या मुलाच्या आगमनाची घोषणा केली आहे. या जोडप्याने त्यांच्या पोस्टमध्ये लिहिले आहे, की 'अत्यंत आनंदाने आणि प्रेमाने, आम्ही तुम्हाला आनंदाची बातमी देत ​​आहोत. १५ फेब्रुवारी रोजी आमच्या घरी एक मुलगा आणि वामिकाचा धाकटा भाऊ अकाय (Akaay) याचा जन्म झाला. या काळात आम्हाला तुमचे आशीर्वाद आणि शुभेच्छा हव्या आहेत. सोबतच आम्हाला प्रायव्हसी देण्याची मागणीही करत आहोत."

विराट अनुष्काच्या मुलाचे नाव 'अकाय' आहे. पण त्याच्या नावाचा अर्थ काय? असा प्रश्न सर्वांना पडला आहे.

अकाय या शब्दाचा अर्थ एकता असा होतो. हा शब्द संस्कृत शब्द ऐक्य आणि काया पासून तयार झाला आहे. या शब्दाचा दुसरा अर्थ अमार्यादित शक्ती असा देखील होतो. हा मूळ तुर्की शब्द, Acai असा आहे. त्याप्रमाणे याचा अर्थ 'चमकणारा तारा' असा होतो.

विरुष्का या जोडप्याने त्यांच्या मुलीचे नाव वामिका ठेवले आहे. तिचा जन्म २०२१ मध्ये झाला. तिच्या नावाचा अर्थ देवी दुर्गा असा होतो.