Amrit Bharat Express: देशवासीयांच्या सेवेत लवकरच ‘अमृत भारत एक्सप्रेस’; फीचर्स पाहून व्हाल थक्क, Photo
Amrit Bharat Express: देशवासीयांच्या सेवेत लवकरच ‘अमृत भारत एक्सप्रेस’; फीचर्स पाहून व्हाल थक्क, Photo
Dec 28, 2023 07:50 PM IST
Amrit Bharat Express: ही एक नो-फ्रिल्स सुपरफास्ट एक्सप्रेस सेवा आहे. ३० डिसेंबर २०२३ रोजी पंतप्रधान मोदी अयोध्या येथे अमृत भारत ट्रेनला हिरवा झेंडा दाखवतील. पहिली अमृत भारत एक्सप्रेस ट्रेन प्रभू रामाचे जन्मस्थान अयोध्या आणि बिहारमधील माता सीतेचे जन्मस्थान सीतामढी मार्गे दरभंगा दरम्यान धावेल.
(1 / 7)
अमृत भारत ट्रेन कमी खर्चात व लांबच्या प्रवासासाठी डिझाइन केले आहे. ही नॉन-एसी स्लीपर क्लास रेल्वे आहे. यामध्ये स्लीपर क्लास कोचसोबतच जनरल बोगी असतील. अयोध्या ते दरभंगा धावणाऱ्या ट्रेनला २२ कोच असतील.
(2 / 7)
यामध्ये १२ स्लीपर कोच तर ८ जनरल क्लासचे डबे असतील. दोन बोगी गार्ड कंपार्टमेंट असतील. त्यापैकी एक महिलांसाठी राखीव असेल. त्याचबरोबर एक बोगी दिव्यांगांसाठी राखीव ठेवण्यात आला आहे. या ट्रेनच्या डब्ब्यांना नारंगी आणि राखाडी रंग देण्यात आला आहे. यातून प्रवास करण्यासाठी आरक्षणाची गरज नाही.
(3 / 7)
रेल्वेमंत्र्यांनी सांगितले की, या ट्रेनमध्ये वंदे भारतप्रमाणे पुश-पुल टेक्नोलॉजीचा वापर करण्यात आला आहे. यामुळे ट्रेनला १०० ची स्पीड पकडण्यास केवळ काही मिनिटांचा वेळ लागेल. ही ट्रेन १३० किलोमीटर प्रतितास गतीने धावेल.
(4 / 7)
यामध्ये टेक्नोलॉजीमुळे बॅटर एक्सिलेशन आहे. हे तंत्रज्ञानामुळे गाडी तत्काळ गती पकडते. त्याचबरोबर तत्काळ थांबवताही येते. पूल व वळणावर यामुळे वेळेची बचत होणार आहे.
(5 / 7)
पुशपुल टेक्नोलॉजीचा अर्थ आहे या ट्रेनमध्ये दोन इंजिन असतील. एक पुढे तर दुसरे इंजिन मागे असेल. पुढचे इंजिन गाडीला पुढे ओढेल तर मागील इंजिन पुढे ढकलेल.
(6 / 7)
अमृत भारत ट्रेन विशेष करून देशातील मजूर व कामगार लोकांसाठी बनवण्यात आले आहे. इंजिनमध्ये आत व बाहेर चार CCTV कॅमरे लावले आहेत. त्यामुळे बाहेर व आतमध्ये नजर ठेवली जाईल. अत्याधुनिक शौचालय, बोगींमध्ये सेंसर असणारे वॉटर टॅप तसेच गॉर्ड आणि मेट्रोप्रमाणे अनाउंसमेंट सिस्टम असेल.
(7 / 7)
टॉयलेटच्या डिझाइनमध्येही अनेक बदल केले आहेत. पाण्याचा कमीत कमी वापर केला जाईल याची व्यवस्थाही केली आहे. त्याचबरोबर दिव्यांग लोकांसाठी टॉयलेटमधील स्पेस वाढवण्यात आली आहे.
इतर गॅलरीज