Amitabh Bachchan Movies : वयाच्या ८२व्या वर्षीही बिग बींची क्रेझ कायम! अमिताभ बच्चन यांचे ‘हे’ चित्रपट होणार रिलीज

बॉलिवूडचे मेगास्टार अमिताभ बच्चन ८२ वर्षांचे झाले आहेत आणि अजूनही चित्रपट विश्वात सक्रिय आहेत. या वयातही बिग बी तासनतास शूटिंग सेटवर व्यस्त असतात आणि एक्सवर पोस्ट करून चाहत्यांना याची माहितीही देतात. येत्या काही काळात अमिताभ बच्चन यांचे अनेक चित्रपट प्रदर्शित होणार आहेत, ज्याची चाहते आतुरतेने वाट पाहत आहेत. चला तर मग जाणून घेऊया त्या चित्रपटांची यादी…

अमिताभ बच्चन यांच्या आगामी चित्रपटांच्या यादीत पहिले नाव आहे 'आंख मिचोली २'. या चित्रपटात ते सिक्कूची भूमिका साकारताना दिसणार आहेत. या चित्रपटाचा पहिला भाग २०२३मध्ये प्रदर्शित झाला होता आणि मीडिया रिपोर्ट्सनुसार चित्रपटाचा पुढचा भाग २०२५मध्ये येऊ शकतो.

लॉकडाऊननंतर, रणबीर कपूर आणि आलिया भट्ट यांच्या 'ब्रह्मास्त्र' चित्रपटाने थिएटरमध्ये पुन्हा उत्साह आणण्यात महत्त्वाची भूमिका बजावली. या चित्रपटात अमिताभ बच्चन गुरु अरविंदची भूमिका साकारताना दिसले होते. आता चाहते या चित्रपटाच्या दुसऱ्या भागाची वाट पाहत आहेत, ज्यात अमिताभ बच्चन यांच्या व्यक्तिरेखेची मागची गोष्ट दाखवली जाऊ शकते.

‘कल्की २८९८ एडी’ ला प्रेक्षकांचे भरभरून प्रेम मिळाले आणि अश्वत्थामाच्या भूमिकेतील अमिताभ बच्चन यांना प्रेक्षकांनी पसंत केले. आता चाहते नाग अश्विन यांच्या चित्रपटाचा दुसरा भाग कधी येणार याची वाट पाहत आहेत. यात अमिताभ बच्चन पुन्हा एकदा जबरदस्त ॲक्शन करताना दिसणार आहेत.

अमिताभ बच्चन यांच्या आगामी चित्रपटांमध्येही 'सेक्शन ८४'चाही समावेश आहे. या चित्रपटात अमिताभ बच्चन आणि अभिषेक बॅनर्जी पहिल्यांदाच स्क्रीन शेअर करताना दिसणार आहेत. चित्रपटाची कथा आणि इतर गोष्टींबाबत अद्याप अनेक गोष्टींचा खुलासा व्हायचा आहे.

अमिताभ बच्चन यांच्या आगामी चित्रपटांमध्ये 'आँखे २' हे नावही चर्चेत आहे. या चित्रपटाचा पहिला भाग सुपरहिट झाला होता. आता निर्माते या चित्रपटाचा सिक्वेल बनवण्याचा विचार करत आहेत.

अमिताभ बच्चन यांचा 'तेरा यार हूं मैं' हा चित्रपटही सध्या चर्चेत आहे. चित्रपटाच्या स्क्रिप्टपासून कलाकारांपर्यंत अनेक गोष्टींवर सध्या चर्चा सुरू आहे, मात्र हा अमिताभ यांचा सर्वात खास चित्रपट असल्याचे बोलले जात आहे.