Gulmarg : गुलमर्गवर चढली बर्फाची चादर!हिमवर्षावाचा आनंद घेण्यासाठी पर्यटकांची गर्दी, पाहा फोटो

जम्मू आणि काश्मीरच्या गुलमर्ग येथे मोठ्या प्रमाणात हिमवृष्टी सुरू आहे. हा परिसर बर्फाने झाकोळला असून येथील हिमवृष्टीचा आनंद घेण्यासाठी पर्यटक या ठिकाणी मोठ्या प्रमाणात येत आहेत.  

काश्मीर सध्या "चिल्ला-इ-कलान" ही स्थिती अनुभवतोय. यात ४० दिवसांचा कडाक्याचा हिवाळा कालावधी येथील नागरिक अनुभवतात. या काळात  थंडीची लाट या प्रदेशाला वेढूते,  ज्यामुळे तापमानात मोठी घट होते. यामुले येथे असणारे तलाव आणि इतर पाण्याचे स्त्रोत हे थंडीमुळे गोठतात.  गुलमर्ग प्रदेशात देखील हिमवृष्टी सुरू असून याचा आनंद घेण्यासाठी पर्यटक याठिकाणी येत आहेत.  

पर्वतीय भागात  बर्फवृष्टी आणि मैदानी भागात ढगाळ वातावरण यामुळे रविवारी काश्मीरच्या बहुतेक भागांमध्ये किमान तापमान गोठणबिंदूच्या खाली आले होते. 

गुलमर्ग येथील हिमवृष्टीचा आनंद घेण्यासाठी मोठ्या प्रमाणात पर्यटक येत असून येथील ‘आय लव्ह गुलमर्ग’ पॉइंटवर पर्यटकबर्फवृष्टी दरम्यान छायाचित्रे काढण्यात मग्न असतांना. 

गुलमर्गमध्ये स्लेज ओढणारे आणि घोडेस्वार व राइड घेण्यात व्यस्त असलेले पर्यटक येथील हिमवृष्टीचा आनंद घेत असतांना टिपलेले छायाचित्र.