Amavasya : दर्श अमावस्या या शुभ योगात साजरी होणार, पितृदोषापासून मुक्ती मिळवण्यासाठी करा हे काम

अमावास्येचा दिवस पितृपूजन, स्नान, दान आणि तर्पण यासाठी अत्यंत शुभ मानला जातो. या वर्षी चैत्र अमावस्या ८ मे रोजी आहे. तसेच या वर्षी अमावस्येला ३ शुभ योग जुळून येत आहेत ज्यामुळे या दिवसाला दुप्पट महत्त्व आहे.

दर्श अमावस्येच्या या शुभ मुहूर्तावर काही विशेष उपाय करून पितृदोष, कालसर्प दोष आणि शनिदोषापासून मुक्ती मिळण्याची विशेष संधी आहे. जाणून घ्या या अमावस्येचे शुभ योग आणि उपाय.

चैत्र महिन्यातील कृष्ण पक्षातील अमावस्या मंगळवार ७ मे २०२४ रोजी सकाळी ११ वाजून ४० मिनिटांनी सुरू होईल आणि बुधवारी ८ मे २०२४ रोजी सकाळी ८ वाजून ५१ मिनिटांनी समाप्त होईल.

चैत्र अमावस्येला सर्वार्थ सिद्धी योग, शोभन योग आणि सौभाग्य योग जुळून येतात. सर्वार्थ सिद्धी योग दुपारी १ वाजून ३३ मिनिटांनी सुरू होईल आणि ८ मे रोजी पहाटे ५ वाजून ३४ मिनिटापर्यंत राहील. सौभाग्य योग ७ मे रोजी रात्री ८ वाजून ५९ मिनिटांनी सुरू होईल आणि ८ मे रोजी संध्याकाळी ५ वाजून ४१ मिनिटापर्यंत राहील, त्यानंतर शोभन योग सुरू होईल, जो रात्रीपर्यंत राहील.

अमावस्येतील शनिदोषाचे मार्ग: 

दक्षिण भारतात शनि जयंती अमावस्येला साजरी केली जाते, म्हणून शनिदेवाला तिळ, तेल आणि निळी फुले अर्पण करा आणि शनि चालिसाचे पठण करा. यामुळे शनीची साडेसती, ढैय्या आणि इतर सर्व अशुभ योग बरे होतात असे मानले जाते.

पितृदोषापासून मुक्ती मिळवण्याचे उपाय: 

अमावस्येला श्रीमद्भागवतगीता ऐका किंवा घरी गीता वाचा. तसेच गरजूंना अन्नदान करावे. यामुळे पितृदोष दूर होतो आणि जीवनात सुख शांती नांदते. पितरांना मोक्ष प्राप्त होतो.

अमावस्येच्या दिवशी सकाळी पिंपळाच्या झाडांना पाणी घालावे आणि संध्याकाळी दिवे लावावेत. यामुळे पूर्वजांच्या आत्म्यांना मोक्ष प्राप्त होतो.