मुलगा शिकतोय कॉलेजमध्ये आणि मुलगी शाळेत; आता वयाच्या ५०व्या वर्षी अभिनेत्रीला सतावतेय प्रेग्नन्सी चिंता!
मुलगा शिकतोय कॉलेजमध्ये आणि मुलगी शाळेत; आता वयाच्या ५०व्या वर्षी अभिनेत्रीला सतावतेय प्रेग्नन्सी चिंता!
Jul 21, 2024 02:37 PM IST
Bollywood Actress: या पोस्टमध्ये ती केवळ मासिक पाळी न येण्याबद्दल बोलताना दिसली आहे. इतकंच नाही तर, या वयात तिला गर्भधारणेची भीतीही वाटत असल्याचे तिने यात म्हटले आहे.
(1 / 5)
बॉलिवूड अभिनेत्री आणि लेखिका ट्विंकल खन्ना हिने इंडस्ट्रीमध्ये आज स्वतःची एक वेगळी ओळख निर्माण केली आहे. ट्विंकलला तिच्या व्यावसायिक जीवनासोबतच, तिच्या वैयक्तिक आयुष्याचा समतोल कसा साधावा हे माहीत आहे. ट्विंकल आणि अभिनेता अक्षय कुमारची जोडी चाहत्यांना खूप आवडते. ट्विंकल तिच्या कामासोबतच सोशल मीडियावरही खूप सक्रिय आहे.
(2 / 5)
ती अनेकदा अनेक वेगवेगळ्या मुद्द्यांवर मोकळेपणाने बोलताना दिसते. दरम्यान, आता तिची एक पोस्ट सोशल मीडियावर सर्वांचे लक्ष वेधून घेत आहे. या पोस्टमध्ये ती केवळ मासिक पाळी न येण्याबद्दल बोलताना दिसली आहे. इतकंच नाही तर, या वयात तिला गर्भधारणेची भीतीही वाटत असल्याचे तिने यात म्हटले आहे. या पोस्टमध्ये तिने ही रजोनिवृत्ती आहे की काय, असा प्रश्नही उपस्थित केला आहे. चला तर मग, जाणून घेऊया काय आहे हा सगळा प्रकार…
(3 / 5)
ट्विंकल खन्नाने तिच्या इंस्टाग्राम अकाऊंटवर स्वतःचा एक बुमरँग व्हिडीओ शेअर केला आहे. या व्हिडीओमध्ये ट्विंकल हातात कॉफीचा मग धरून डोळे मिचकावताना दिसली आहे. तिच्या चेहऱ्यावरचे हावभाव पाहता, ती कसल्याशा तरी गोंधळात असल्याचे दिसत आहे. व्हिडीओच्या कॅप्शनमध्ये ट्विंकलने लिहिले की, ‘जेव्हा तुम्ही ५० वर्षांचे असता आणि तुमची मासिक पाळी चुकते, तेव्हा तुम्हालाही प्रश्न पडतो की, ही रजोनिवृत्ती आहे की, गर्भधारणा?’
(4 / 5)
ट्विंकलने तिच्या व्हिडीओसोबत कॅप्शनमध्ये लिहिले की, 'मी ५० वर्षांची झाली आहे, पण तरीही मी चिंतेत आहे. कळत नाहीये की, मी प्री-मेनोपॉज क्लबमध्ये सामील झाले आहे का? तुम्ही तुमच्या मेनोपॉजचे अनुभव माझ्यासोबत शेअर करू शकता आणि मला सांगू शकता की, जेव्हा तुमची मासिक पाळी चुकली, तेव्हा तुम्हालाही मला वाटतंय तसंच वाटलं होतं का?’
(5 / 5)
त्यानंतर ट्विंकल खन्ना हिचा हा व्हिडीओ इंटरनेटवर मोठ्या प्रमाणात व्हायरल होत आहे. काही फॅन्स तिच्या या पोस्टवर कमेंट करून उत्साह व्यक्त करताना दिसत आहेत. सोशल मीडिया युजर्स या व्हिडीओ पोस्टवर भरभरून प्रतिक्रिया देत आहेत.
इतर गॅलरीज