UPI Voice : यूपीआयवर व्हॉइसद्वारे असा व्यवहार करता येईल, इंग्रजी आणि हिंदीत देता येणार कमांड

RBI गव्हर्नर म्हणाले की, UPI च्या माध्यमातून आता देशात व्हाॅईस कमांडद्वारे  आर्थिक व्यवहार करता येणार आहेत. 'परिणामी, UPI वापरकर्ते कृत्रिम बुद्धिमत्तेवर चालणाऱ्या प्रणालीद्वारे सुरक्षितपणे पैशांचे व्यवहार करू शकतील, असे आरबीआयचे प्रमुख शक्तिकांत दास यांनी सांगितले. अशा तंत्रज्ञानामुळे देशाच्या डिजिटल व्यवहार व्यवस्थेत क्रांतिकारी बदल होऊ शकतो.

या नवीन आर्टिफिशियल इंटेलिजेंस फीचरमध्ये UPI यूजर्स एआय प्रतिनिधीसोबत चॅट करू शकतात. याद्वारे पैसे एका खात्यातून दुसऱ्या खात्यात जाणार आहेत. या प्रणालीद्वारे कोणीही UPI द्वारे सहजपणे पैशांचा व्यवहार करू शकतो. त्यामुळे यूपीआयचा वापर वाढण्याची शक्यता आहे, असे आरबीआय गव्हर्नर म्हणाले.

हे कृत्रिम बुद्धिमत्तेवर आधारित व्यवहार सुरुवातीला हिंदी आणि इंग्रजी भाषेत केले जातील. म्हणजेच तुम्ही UPI द्वारे हिंदी किंवा इंग्रजीमध्ये 'व्हॉइस कमांड'द्वारे पैसे पाठवू शकता. नंतर ते अधिक भारतीय प्रादेशिक भाषांमध्ये उपलब्ध होईल. म्हणजेच, बंगालीमध्ये बोलूनही तुम्ही डिजिटल पद्धतीने पैशांचा व्यवहार करू शकता.

दरम्यान, रिझर्व्ह बँकेने UPI Lite वापरकर्त्यांची व्यवहार मर्यादा २०० रुपयांवरून ५०० रुपये केली आहे. यासाठी पिन नंबरचीही गरज लागणार नाही. UPI द्वारे व्यवहार करणारा प्रत्येकजण UPI Lite वापरू शकतो. UPI द्वारे एक लाख रुपयांचा व्यवहार करता येतो. आणि Lite मधील व्यवहारांची वरची मर्यादा आता ५००  आहे.

याशिवाय आरबीआयने सांगितले की, आतापासून निअर फील्ड कम्युनिकेशन तंत्रज्ञानाचा वापर करून इंटरनेट न वापरता ऑफलाइन डिजिटल व्यवहार करता येतील. UPI-Lite चा वापर वाढवण्यासाठी आरबीआय एनएफसी  तंत्रज्ञानाचा वापर करेल. परिणामी, जिथे इंटरनेट प्रणाली कमकुवत आहे किंवा जिथे इंटरनेट कनेक्शन नाही, तिथे ग्राहक काही क्लिकवर डिजिटल चॅनेलद्वारे पैसे पाठवू शकतात.