Aditi Rao Hydari : कान्सच्या रेड कार्पेटवर आदिती राव हैदरीने ब्लॅक अँड व्हाईट ड्रेसमध्ये दाखवला फॅशनचा जलवा!

केवळ ऐश्वर्या राय बच्चनच नाही तर अदिती राव हैदरीनेही ७७ व्या कान्स फिल्म फेस्टिव्हलमध्ये रेड कार्पेटवर मोनोक्रोम आउटफिट परिधान केला होता.

मोनोक्रोम आता फॅशनमध्ये आहे. या ट्रेंडला अनुसरून अदितीने फॅशन आर्टिस्ट गौरव गुप्ता यांच्या काळ्या मखमली ड्रॉपलेस गाऊनसह पांढऱ्या वॉलंटियर स्कर्टची निवड केली.

हाय बन, हाय हील्स आणि हात-कानावर मॅचिंग मोत्याचे दागिने घालून चमकदार पण हलका मेकअप करून अदिती अतिशय सुंदर दिसत होती.   

आंतरराष्ट्रीय स्टार कॅथरीन लँगफोर्ड आणि अजा, नाओमी किंग सोबत अदिती राव हैदरी हिने देखील आपल्या फॅशनचा जलवा दाखवला. तिघींमध्ये देखील ती कमालीची सुंदर दिसली.

संजय लीला भन्साळी यांच्या 'हिरामंडी : द डायमंड बझार' या पहिल्या ओटीटी वेब सीरिजमध्ये अदिती ‘बिब्बोजान’च्या भूमिकेत दिसली होती. मालिकेतील 'संया हटो जाओ' या गाण्यात ती ज्या सीनमध्ये डान्स करते, त्या सीनला प्रेक्षकांनी भरभरून दाद दिली होती. सोशल मीडियावर तो व्हायरल होत आहे.