पतीच्या निधनानंतर मयुरी देशमुखचे छोट्या पडद्यावर पुनरागमन, ६ वर्षानंतर या मालिकेत करणार काम
पतीच्या निधनानंतर मयुरी देशमुखचे छोट्या पडद्यावर पुनरागमन, ६ वर्षानंतर या मालिकेत करणार काम
Jun 10, 2024 03:26 PM IST
- अभिनेत्री मयूरी देशमुखने पतीच्या निधनानंतर इंडस्ट्रीमधून ब्रेक घेतला होता. आता ती पुन्हा छोट्या पडद्यावर पुनरागमन करत असल्यामुळे चाहत्यांसाठी हा सुखद धक्काच आहे.
(1 / 4)
‘झी मराठी’ वाहिनीवरील ‘खुलता कळी खुलेना’ ही मालिका तुफान गाजली होती. या मालिकेत अभिनेता ओमप्रकाश शिंदे आणि अभिनेत्री मयुरी देशमुख यांनी मुख्य भूमिका साकारली होती. या मालिकेने मयूरीला लोकप्रियता मिळवून दिली. त्यानंतर मयूरीच्या आयुष्यातील कठीण काळ सुरु होता. आता जवळपास सहा वर्षांनंतर मयूरी पुन्हा छोट्या पडद्यावर पुनरागमन करणार आहे.
(2 / 4)
स्टार प्रवाहची मन धागा धागा जोडते नवा मालिका अतिशय उत्कंठावर्धक वळणावर येऊन पोहोचली आहे. मालिकेत सुप्रसिद्ध अभिनेत्री मयुरी देशमुखची एण्ट्री होणार असून सुखदा ही व्यक्तिरेखा मयुरी साकारणार आहे.
(3 / 4)
मयुरीच्या येण्याने आनंदी-सार्थकच्या आयुष्यातही नवं वळण येणार आहे. मयुरी देशमुख एक उत्तम अभिनेत्री आहे. मालिका आणि सिनेमाच्या माध्यमातून तिने प्रेक्षकांचं भरभरुन मनोरंजन केलं आहे. स्टार प्रवाहसोबतची तिची ही पहिलीच मालिका.
(4 / 4)
सुखदा या व्यक्तिरेखविषयी सांगताना मयुरी म्हणाली, मी जवळपास सहा वर्षांनंतर मराठी मालिका विश्वात पुनरागमन करतेय. खरं सांगायचं तर खुप उत्सुकता आहे. शक्यतो भूमिकेत तोच तोच पणा येऊ नये यासाठी माझा प्रयत्न असतो. सुखदा हे पात्र अतिशय सुंदररित्या लिहिलं गेलं आहे. आयुष्य भरभरुन जगणारी, बडबडी आणि अतिशय सकारात्मक अतिशय ही व्यक्तिरेखा आहे. या पात्राविषयी ऐकताक्षणीच मी प्रेमात पडले. स्टार प्रवाहसोबत काम करण्याची इच्छा देखिल पूर्ण होतेय. सुखदाच्या येण्याने सार्थक-आनंदीच्या आयुष्यात काय बदल घडतील हे पुढच्या भागांमधून उलगडेलच.
(5 / 4)
आता चाहत्यांमध्ये मन धागा धागा जोडते मालिकेतील मयूरीच्या एण्ट्रीबाबत उत्सुकता लागली आहे.
इतर गॅलरीज