'याचा अर्थ आम्ही कोणाचे गुलाम आहोत असा नाही', अभिनेता अभिजीत खांडकेकर याने सांगितला अनुभव
'याचा अर्थ आम्ही कोणाचे गुलाम आहोत असा नाही', अभिनेता अभिजीत खांडकेकर याने सांगितला अनुभव
Apr 30, 2024 11:01 AM IST
- अभिनेता अभिजीत खांडकेकर याने नुकताच त्याच्या पहिल्या मालिकेबाबत आलेला वाईट अनुभव सांगितला आहे. त्याने तो सांगताना 'याचा अर्थ आम्ही कोणाचे गुलाम आहोत असा नाही' असे स्पष्ट म्हटले आहे.
(1 / 5)
'माझिया प्रियाला प्रीत कळेना' ही झी मराठी वाहिनीवरील मालिका सर्वांच्या आजही लक्षात आहे. या मालिकेतून अभिनेता अभिजीत खांडकेकर महाराष्ट्राच्या घराघरात पोहोचला. पण या त्याच्या या पहिल्या मालिकेच्या वेळी वाईट अनुभव आला आहे.
(2 / 5)
अभिजीतने नुकताच अभिनेत्री भार्गवी चिरमुलेच्या युट्यूब चॅनेलला मुलाखत दिली. या मुलाखतीमध्ये त्याने अनेक मुद्द्यांवर भाष्य केले आहे. करिअरच्या सुरुवाती पासून ते लोकप्रियता मिळे पर्यंतचा अनुभव अभिजीतने सांगितला आहे. त्याने बालाजी फिल्म्स प्रोडक्शन हाऊसकडून आलेल्या वाईट अनुभव देखील सांगितला आहे.
(3 / 5)
अभिजीतने सांगितले की, 'मी याबद्दल खरंतर बोलणे टाळतो. ही माझी पहिलीच मालिका होती. त्यामुळे यासाठी पूर्णपणे मी प्रोडक्शन हाऊसलाही दोष देणार नाही. यामध्ये अनेक लोकांचा सहभाग असतो. त्यामुळे मागे वळून पाहताना असे वाटते की, तेव्हा काही बाबतीत फारच वाईट वागणूक देण्यात आली होती. त्यावेळी संधी दिली असे म्हणत खूपच कमी पैश्यांमध्ये आमच्याकडून काम करुन घेण्यात आले होते. पण तो व्यवसायाचा एक भाग आहे आणि आता त्याविषयी बोलून काहीही उपयोग नाही. त्या मालिकेने मला खूप प्रसिद्धी मिळवून दिली. पण अगदी लहान लहान गोष्टींवरुन त्यांनी मला त्रास देखील दिला आहे.'
(4 / 5)
पुढे अभिजीत म्हणाला, 'मी याआधी कॉर्पोरेटमध्ये काम केले आहे. त्यामुळे मला माहित होते की, हे खूप चुकीचे आहे. पण या क्षेत्रांच्या नियमांनुसार जे काही आहे, त्यामध्ये चांगल्या पद्धतीचे जेवण आले, चांगली वागणूक आली. पण या सगळ्या गोष्टी देण्यात आल्याच नाहीत. तुम्ही संधी देता, तुम्ही आमच्याकडून मोठे कामही करुन घेता, जेणेकरुन आमचे करिअर घडेल. पण याचा अर्थ असा नाही होत की आम्ही कुणाचे गुलाम आहोत.'
(5 / 5)
'जो कलाकार तुमच्यासाठी १३-१३ तास काम करतोय, त्याला तुम्ही सामान्य पातळीवरच्या काही गोष्टी देऊ नयेत, तर ते मला अजिबात मान्य नव्हतं. एकूणच वागणूक आणि अनुभव बघता तो काही आनंददायी नव्हता. मी आयुष्यात कायम संजय मोने, सुहिता थत्ते, शीतल शुक्ल, हर्षदा खानविलकर यांचे आभार. माझ्या रुममेट्सने तीन महिन्याचे भाडे नाही घेतले माझ्याकडून. कारण मी कधी यायचो कधी जायचो याचा काही पत्ताच नसायचा. तेव्हा जेवणाचे वांदे होते. त्या काळात या लोकांनी आमच्यासाठी घरून डब्बे आणलेत' असे अभिजीत पुढे सांगत होता.
इतर गॅलरीज