Pune cylendar blast : पुण्यात हडपसर येथे मध्यरात्री हॉटेलमध्ये सिलेंडरचा स्फोट

Ninad Vijayrao Deshmukh

Feb 11, 2024 01:06 PM IST

Pune cylendar blast : पुण्यात रविवारी पहाटे ३ च्या सुमारास हडपसर सताववाडी येथील साईनगर सोसायटीत असलेल्या भन्नाट बिर्याणी हाऊस येथे सिलेंडरचा भीषण स्फोट झाला. या घटनेत हॉटेलचे मोठे नुकसान झाले. अग्निशामक दलाने तातडीने घटनास्थळी जात आगीवर नियंत्रण मिळवले.

(1 / 5)

पुण्यात आज पहाटे ३.१३ च्या सुमारास हडपसर, सातववाडी, साईनगर सोसायटी येथे असलेल्या भन्नाट बिर्याणी हाऊस या हॉटेलमध्ये सिलेंडरचा स्फोट झाला.

(2 / 5)

या स्फोटांमुळे हॉटेलला मोठी आग लागली. या घटनेत हॉटेलचे मोठे नुकसान झाले आहे. या घटनेची माहिती अग्निशमन दल नियंत्रण कक्षात मिळताच दलाकडून काळे बोराटे नगर व हडपसर अग्निशमन केंद्र येथून अग्निशमन वाहन रवाना करण्यात आले.

(3 / 5)

घटनास्थळी पोहोचताच जवानांनी पाहिले की, येथील दोन मजली इमारतीत तळमजल्यावर असणाऱ्या भन्नाट बिर्याणी हाऊसमध्ये आग लागली होती. हॉटेलवरील दोन मजल्यावर सदनिकेत काही रहिवाशी अडकले होते.

(4 / 5)

अग्निशामक दलाचा जवानांनी तातडीने इमारतीत अडकलेल्या ३ पुरुष आणि ३ महिलांना सुरक्षित बाहेर काढले. यानंतर बिर्याणी हाऊसचे शटर उघडून आगीवर पाण्याचा मारा सुरू केला. दलाची मदत पोहोचण्यापुर्वी नागरिकांनी आग विझवण्याचा प्रयत्न केला. जवानांनी घटनास्थळावरुन तीन सिलेंडर बाहेर काढले. यात एका सिलेंडरचा स्फोट झाल्याचे निदर्शनास आले. सुमारे पंधरा मिनिटात आग आटोक्यात आणत जवानांनी कुलिंग ऑपरेशन सुरू केले. तीस मिनिटात आगीवर पूर्ण नियंत्रण मिळवण्यात आले.

(5 / 5)

या आगीमध्ये बिर्याणी हाऊसमधील सर्व वस्तुंचे पुर्ण नुकसान झाले असून शेजारी असलेल्या इतर दोन दुकानांना आगीची झळ बसली आहे. या घटनेत जखमी वा जिवितहानी नाही. या कामगिरीत अग्निशमन अधिकारी अनिल गायकवाड तसेच वाहनचालक राजू शेख, नारायण जगताप व फायरमन अनिमिष कोंडगेकर, बाबासाहेब चव्हाण, चंद्रकांत नवले, केतन घाडगे, संकेत शिंदे, डगळे यांनी सहभाग घेतला.

इतर गॅलरीज