चित्रपटगृहांमध्ये फ्लॉप ठरलेल्या 'या' चित्रपटांनी जिंकली प्रेक्षकांची मने, जाणून घ्या कोणते आहेत 'हे' सिनेमे

बॉलिवूडमध्ये असे काही सिनेमे आहेत ज्यांना ना फारशी प्रसिद्धी मिळाली ना बॉक्स ऑफिस कलेक्शन पण या चित्रपटांची कथा खरोखरच चांगली आहे. अशाच काही अंडररेटेड चित्रपटांची यादी येथे आहे. चला जाणून घेऊया…

अगली हा एक थ्रिलर चित्रपट आहे. हा चित्रपट अॅमेझॉन प्राईम, डिस्नेप्लस हॉटस्टार आणि यूट्यूब या ओटीटी प्लॅटफॉर्मवर आहे. चित्रपटात राहुलच्या मुलीचे कारमधून अपहरण होते. मुलीचे सावत्र वडील मुंबई पोलीस प्रमुख आहेत, त्यानंतर दोघे एकत्रीत येऊन तिला शोधतात. शेवटी चित्रपटाच्या मोठा ट्विस्ट दाखवण्यात आला आहे.

जर तुम्हाला थ्रिलर पाहण्याची आवड असेल तर तुम्ही 'मनोरमा सिक्स फीट अंडर' हा चित्रपट नक्की पाहा. या चित्रपटाला IMDb वर 7.5 रेटिंग मिळाले आहे.

विकी कौशल आणि ऋचा चड्ढा यांच्या मसान चित्रपटाबद्दल आपण खूप ऐकले आहे. हा चित्रपट बॉक्स ऑफिसवर फ्लॉप ठरला आणि आता तो कल्ट क्लासिक बनला आहे.

नसीरुद्दीन शाह स्टारर अ वेड्नसडे चित्रपटाचे IMDb रेटिंग ८.१ आहे. जर तुम्हाला थ्रिलर आणि ॲक्शनची आवड असेल तर हा चित्रपट नक्की पहा.

सीता रामम हा चित्रपट जेव्हा ओटीटीवर प्रदर्शित झाला तेव्हा प्रेक्षकांच्या विशेष पसंतीला उतरला. हा चित्रपट अॅमेझॉन प्राइम आणि हॉटस्टार वर आहे.ही एक लव्हस्टोरी आहे ज्यामध्ये देशभक्ती आणि सस्पेन्स या दोन्ही गोष्टी आहेत. चित्रपट तुम्हाला भावूक करेल आणि विचार करायला भाग पाडेल.

इरफान खान स्टारर पान सिंग तोमर चित्रपट फारशी कमाई करू शकला नाही. तो अर्ध हिट मानला जातो. या चित्रपटासाठी इरफान खानला राष्ट्रीय पुरस्कार मिळाला होता. एका डाकूच्या जीवनावर बनलेला हा चित्रपट नक्की पहा.

नुकताच पुन्हा प्रदर्शित झालेला लैला मजनू हा असाच एक अंडररेटेड चित्रपट आहे. कधी रिलीज झाला, कधी आला आणि कधी गेला हे कळलेच नाही. मात्र, पुन्हा रिलीज झाल्यानंतर अनेकांना हा चित्रपट छान वाटला.