Eyesight: चष्मा घालायचा नाही? या ५ गोष्टींमुळे तीक्ष्ण होईल दृष्टी

Hiral Shriram Gawande

Jun 04, 2023 06:08 PM IST

Foods for Eyesight: आजकाल घरोघरी डोळ्यांच्या समस्या सामान्य आहेत. जर तुम्हाला डोळ्यांची शक्ती कमी करायची नसेल तर तुमच्या आहाराकडे नीट लक्ष द्या.

(1 / 6)

व्यस्त जीवनशैलीमुळे आजकाल लोक आहाराकडे योग्य लक्ष देत नाहीत. परिणामी पोषक तत्वांची कमतरता दिसून येते. आणि अनेकांची दृष्टी कमी आहे. अनेक मुलांना कमी वयातच चष्मा लागतो. तरुणांमध्ये सुद्धा ही समस्या पहायला मिळते. जर तुम्हालाही याच समस्येने ग्रासले असेल तर आताच तुमच्या आहारात हे खास बदल करा-

(2 / 6)

अँटी ऑक्सिडंट्स युक्त अन्न डोळ्यांसाठी फायदेशीर आहे. काही जीवनसत्त्वे आणि खनिजे आहेत जी तुम्ही तुमच्या रोजच्या आहारात समाविष्ट केली पाहिजेत. पोषक समृध्द अन्न खाल्ल्याने पेशी आणि ऊती निरोगी राहतात आणि डोळ्यांच्या समस्या कमी होतात.

(3 / 6)

व्हिटॅमिन सी हे एक पोषक तत्व आहे जे डोळ्यांसाठी फायदेशीर आहे. लाल-हिरवी फळे जसे की शिमला मिरची, टोमॅटो, पालक, ब्रोकोली, संत्री आणि किवी यांमध्ये व्हिटॅमिन सी भरपूर प्रमाणात असते. म्हणून त्यांचा आहारात समावेश करा.

(4 / 6)

व्हिटॅमिन ई त्वचेसाठी खूप फायदेशीर आहे. यामुळे डोळ्यांना फ्री रॅडिकल्सपासून संरक्षण मिळते. व्हिटॅमिन ई काजू, हिरव्या पालेभाज्या, रताळे, एवोकॅडो आणि संपूर्ण धान्यांमध्ये आढळते.

(5 / 6)

फॅटी अॅसिड देखील डोळ्यांसाठी चांगले असतात. सोयाबीनच्या बिया, अक्रोड, सागरी मासे यापासून फॅटी अॅसिड उपलब्ध होते.

(6 / 6)

गाजर, रताळे, टूना, अंडी आणि हिरव्या पालेभाज्यांमध्ये बीटा-कॅरोटीन असते. आपले शरीर बीटा-कॅरोटीनचे व्हिटॅमिन ए मध्ये रूपांतर करते.

इतर गॅलरीज