share market : पैसे तयार ठेवा! सप्टेंबरच्या सुरुवातीला येतायत ५ कंपन्यांचे आयपीओ
share market : पैसे तयार ठेवा! सप्टेंबरच्या सुरुवातीला येतायत ५ कंपन्यांचे आयपीओ
Aug 30, 2024 05:12 PM IST
upcoming IPO : आयपीओच्या माध्यमातून शेअर बाजारात एन्ट्री करण्याची किंवा कमाई करण्याची संधी शोधत असाल तर तुमच्यासाठी चांगली बातमी आहे. सप्टेंबर महिन्याच्या सुरुवातीला अनेक आयपीओ बाजारात दाखल होत आहेत. जाणून घेऊया सर्व माहिती…
(1 / 5)
आयपीओ हा शेअर बाजारातील गुंतवणुकीचा एक पर्याय आहे. अनेक गुंतवणूकदार या माध्यमातून बाजारात पैसे लावत असतात. तुमचाही असा विचार असेल तर येत्या आठवड्यात तुमच्यासाठी उत्तम संधी आहे. अनेक कंपन्यांचे आयपीओ गुंतवणुकीसाठी खुले होणार आहेत. हे आयपीओ आणणाऱ्या कंपन्या, आयपीओचा दरपट्टा व अन्य तपशील पाहू.
(2 / 5)
Gala Precision Engineering या कंपनीचा आयपीओ सोमवार, २ सप्टेंबर रोजी सबस्क्रिप्शनसाठी खुला होणार आहे. बुधवार, ४ सप्टेंबर पर्यंत त्यात गुंतवणूक करता येईल. गुंतवणूकदार किमान २८ इक्विटी शेअर्ससाठी अर्ज करू शकतात. त्यानंतर २८ इक्विटी शेअर्सच्या पटीत बोली लावता येईल. आयपीओची इश्यू प्राइस ५२९ रुपये आहे. कंपनीचे शेअर्स अद्याप ग्रे मार्केटमध्ये उपलब्ध नाहीत.(ipo)
(3 / 5)
Jeyyam Global Foods कंपनीचा आयपीओ २ सप्टेंबर रोजी गुंतवणुकीसाठी उघडेल. गुंतवणूकदार ४ सप्टेंबरपर्यंत यात पैसे गुंतवू शकतात. या आयपीओसाठी ६१ रुपये ही किंमत निश्चित करण्यात आली आहे. कंपनीचे शेअर्स NSE SME वर सूचीबद्ध करण्याचा प्रस्ताव आहे.(NSE SME IPO)
(4 / 5)
Mach Conferences and Events या कंपनीचा आयपीओ ४ सप्टेंबर रोजी गुंतवणुकीसाठी खुला होणार असून ६ सप्टेंबरपर्यंत त्यात गुंतवणूक करता येईल. या माध्यमातून कंपनी १२५.२८ कोटी उभारणार आहे. आयपीओसाठी २१४ ते २२५ रुपये असा दरपट्टा निश्चित करण्यात आला आहे. हा आयपीओ बीएसई एमएसई प्लॅटफॉर्मवर सूचीबद्ध होणार आहे.(नमो ईवेस्ट मैनेजमेंट)
(5 / 5)
Excellent Wires and Packaging limited या कंपनीचा आयपीओ ११ सप्टेंबरपासून गुंतवणुकीसाठी खुला होईल. गुंतवणूकदार १३ सप्टेंबरपर्यंत या इश्यूमध्ये पैसे गुंतवू शकतील. आयपीओची इश्यू प्राइस ९० रुपये आहे. कंपनीचे शेअर्स NSE SME वर सूचीबद्ध करण्याचा प्रस्ताव आहे.(ipo)
(6 / 5)
Namo eWaste Management या कंपनीच्या आयपीओसाठी गुंतवणूकदार ४ सप्टेंबर ते ६ सप्टेंबर या कालावधीत अर्ज करू शकणार आहेत. आयपीओ प्राइस ८५ रुपये निश्चित करण्यात आली आहे. कंपनीचे शेअर्स आधीच ग्रे मार्केटमध्ये ५० रुपयांच्या प्रीमियमवर उपलब्ध आहेत. याचा अर्थ लिस्टिंगच्या दिवशी ५८ टक्क्यांपर्यंत नफा मिळू शकतो. कंपनीचे शेअर्स NSE वर लिस्ट होणार आहेत.
इतर गॅलरीज