TVS Apache RR 310 : लवकरच बाजारात दाखल होतेय २०२४ टीव्हीएस अपाची आरआर ३१०, पाहा फोटो

टीव्हीएस मोटर कंपनी लवकरच अद्ययावत अपाची आरआर ३१० सादर करणार आहे. ब्रँडच्या फ्लॅगशिप फुल-फेअर ऑफरमध्ये गेल्या काही वर्षांत सातत्याने अपग्रेड्स झाले आहेत. आता पुन्हा या बाईकमध्ये बदल करण्यात आले आहेत. नव्या अपडेट्ससह ही बाईक उद्या म्हणजेच १६ सप्टेंबर २०२४ रोजी लॉन्च होणार आहे.

२०२४ टीव्हीएस अपाची आरआर ३१० ला अपाची आरटीआर ३१० सारखे नवीन इंजिन मिळण्याची अपेक्षा आहे. या बाईकला आणखी शक्तिशाली बनवण्यासाठी यातील अनेक फीचर्स बदलण्याची शक्यता आहे. सध्याचे मॉडेल सुमारे ३३ बीएचपी जनरेट करते. तर नवीन अपाचे आरटीआर ३१० सुमारे ३५ बीएचपी जनरेट करते. 

टीव्हीएस मध्ये द्वि-दिशात्मक क्विकशिफ्टर, क्रूझ कंट्रोल आणि शक्यतो अपाचे आरटीआर ३१० मधील कूल्ड सीटसह अधिक वैशिष्ट्ये आणण्याची शक्यता आहे. डिजिटल कंसोलमध्ये नवीन अपाचे आरआर ३१० मध्ये सुधारित राइडिंग मोडसह अपडेट्स देखील दिसतील.

अपाची आरआर ३१० पहिल्यांदा २०१७ मध्ये आली, तेव्हापासून या बाईकच्या डिझाइनमध्ये फारसा बदल करण्यात आला नाही. मात्र, कंपनी नव्या बाईकच्या रंगात आणि ग्राफीक्समध्ये बदल करण्याची शक्यता आहे.