Year Ender 2024 : जीवे मारण्याच्या धमक्या ते कलेक्शनचे खोटे आकडे; सरत्या वर्षात चर्चेत राहिल्या बॉलिवूडच्या ‘या’ घटना!
Year Ender 2024 : जीवे मारण्याच्या धमक्या ते कलेक्शनचे खोटे आकडे; सरत्या वर्षात चर्चेत राहिल्या बॉलिवूडच्या ‘या’ घटना!
Dec 12, 2024 01:14 PM IST
Bollywood Biggest Controversies 2024: बॉलिवूडमध्ये या वर्षात अनेक मोठ्या घटना घडल्या, ज्या सोशल मीडियावर व्हायरल झाल्या. चला जाणून घेऊया कोणत्या आहेत त्या मोठ्या घटना आणि वाद...
(1 / 6)
बॉलिवूडमध्ये या वर्षात अनेक मोठ्या घटना घडल्या. या घटना सोशल मीडियावर व्हायरल झाल्या. पूनम पांडेच्या खोट्या मृत्यूच्या बातम्यांपासून ते 'जिगरा'च्या बॉक्स ऑफिसवरील वादापर्यंत या घटनांचा समावेश होता.
(2 / 6)
अल्लू अर्जुनचा 'पुष्पा २' सध्या बॉक्स ऑफिसवर आपल्या दमदार कामगिरीमुळे चर्चेत आहे. मात्र, या चित्रपटाच्या प्रीमियरच्या वेळी एक दुःखद घटना घडली. हैदराबादमध्ये 'पुष्पा २'च्या प्रीमियर दरम्यान चेंगराचेंगरी झाली. यावेळी एका महिलेला आपला जीव गमवावा लागला. याप्रकरणी पोलिसांनी तिघांना अटक केली आहे.
(3 / 6)
आलिया भट्टचा 'जिगरा' हा चित्रपट याच वर्षी प्रदर्शित झाला होता. या चित्रपटावर बनावट बॉक्स ऑफिस कलेक्शनचा आरोप होता. दिव्या कुमार खोसला यांनी हे आरोप केले होते. ती म्हणाली होती की, निर्मात्यांनी चित्रपटाच्या आकडेवारीत अतिशयोक्ती केली आहे.
(4 / 6)
कंगना ६ जून २०२४ रोजी चंदीगड विमानतळावरून दिल्लीला निघाली होती. यावेळी एअरपोर्टवर महिला कॉन्स्टेबल कुलविंदर कौरने कंगना रणौतला थप्पड मारली. या घटनेनंतर कुलविंदरला निलंबित करण्यात आले असून, तिच्याविरोधात एफआयआरही नोंदवण्यात आला आहे.
(5 / 6)
यावर्षी पूनम पांडेने तिच्या मृत्यूची खोटी बातमी पसरवली होती. पूनम पांडेच्या मृत्यूची बातमी सोशल मीडियावर येताच सर्वांनाच धक्का बसला होता. मात्र, गर्भाशयाच्या मुखाच्या कर्करोगाबाबत जनजागृती करण्यासाठी तिने हा स्टंट केल्याचे नंतर उघड झाले. यानंतर पूनम पांडेवर जोरदार टीका झाली.(AFP)
(6 / 6)
या वर्षातील सर्वात मोठी बातमी म्हणजे सलमान खानला लॉरेन्स बिश्नोई टोळीकडून जीवे मारण्याच्या धमक्या मिळाल्या होत्या. सलमान खानच्या घरावरही गोळीबार झाला. याशिवाय शाहरुख खानला धमक्याही आल्या होत्या. धमकी देणाऱ्याने शाहरुखकडे ५० लाख रुपयांची मागणी केली होती.
(7 / 6)
यंदा हेमा समितीच्या अहवालाची बरीच चर्चा झाली. हा २३५ पानांचा अहवाल मल्याळम चित्रपट उद्योगातील महिलांवरील शोषणाच्या १७ घटनांनावर प्रकाश टाकणारा आहे. यामध्ये वेतन असमानता, बलात्काराच्या धमक्या आणि अवांछित लैंगिक टिप्पण्या यांचा समावेश आहे.
इतर गॅलरीज