पुढील बातमी

class="fa fa-bell">ठळक बातम्या:

रामलीला मैदानावर आज मोदींची रॅली, ५००० हून अधिक सुरक्षा कर्मचारी तैनात

पंतप्रधान नरेंद्र मोदी

दिल्लीतील रामलीला मैदानावर आज (रविवार) होत असलेल्या पंतप्रधान नरेंद्र मोदी यांच्या रॅलीसाठी कडक सुरक्षा व्यवस्था तैनात केली जाणार आहे. रामलीला मैदान जुन्या दिल्लीतील दरियागंजपासून एक किमी दूर आहे. दरियागंजमध्ये शुक्रवारी करण्यात आलेल्या सुधारित नागरिकत्व कायद्याविरोधातील आंदोलनात हिंसाचार झाला होता. सूत्रांकडून मिळालेल्या माहितीनुसार, वरिष्ठ अधिकाऱ्यांनी शनिवारी बैठक घेऊन सुरक्षा व्यवस्थेवर चर्चा केली. बैठकीत इतर गोष्टींबाबतही निर्णय घेण्यात आला. अफवांवर नियंत्रण ठेवण्यासाठी सोशल मीडियावरही लक्ष ठेवण्यात येणार आहे. 

CAA अन् NRC च्या विरोधात काँग्रेस दिल्लीत धरणे आंदोलन करणार

रामलीला मैदानाचा परिसर नो फ्लाय झोन म्हणून घोषित करण्यात आला आहे.  सुमारे ५००० सुरक्षा कर्मचारी यासाठी तैनात केले जाणार आहेत. राष्ट्रीय सुरक्षा जवान (एनएसजी), विमान विरोधी, ड्रोन विरोधी पथके हे कोणत्याही हवाई हल्ल्यापासून संरक्षण करतील. 

CAA : कानपूरमध्ये पोलीस चौकीसह वाहने जाळल्याची घटना

रविवारी बहुस्तरीय सुरक्षा व्यवस्था तैनात असेल. रामलीला मैदानावर जाणाऱ्या सर्व मार्गांवर सीसीटीव्ही कॅमेरे लावण्यात येतील आणि सुरक्षा निश्चित करण्यासाठी इमारतींवर विशेष जवान तैनात करण्यात येतील. दिल्ली पोलिस कार्यक्रमादरम्यान सुरक्षा व्यवस्थेसाठी विशेष सुरक्षा समूह (एसपीजी) आणि भाजपशी संपर्कात आहेत. भाजप नेते विजय गोयल यांनी सांगितले की, दिल्लीतील १७३१ अनाधिकृत वसाहतींना कायदेशीर मान्यता दिल्याने पंतप्रधान मोदी यांचे आभार मानण्यासाठी होत असलेल्या या रॅलीसाठी मोठी तयारी करण्यात आली आहे. गोयल हे या रॅलीचे संयोजक आहेत.

विक्रमादित्य सचिनने दिला 'त्या' वेदनादायी आठवणींना उजाळा