बॉलिवूड अभिनेता सनी देओल यांनी भाजपमध्ये प्रवेश केला आहे. केंद्रीय रेल्वेमंत्री पीयूष गोयल आणि संरक्षण मंत्री निर्मला सीतारमन यांच्या उपस्थितीत सनी देओल यांनी मंगळवारी भाजपात प्रवेश केला. पंजाबच्या गुरुदासपूर मतदारसंघातून ते निवडणुकीच्या रिंगणात उतरण्याची शक्यता वर्तवली जात आहे.
'ज्या प्रकारे माझ्या वडिलांनी अटलजींसोबत मिळून काम केलं, आता मीदेखील मोदींसोबत मिळून देशासाठी काम करणार आहे. बोलण्यापेक्षा काम करून दाखवण्यावर माझा जास्त विश्वास आहे', असंही ते म्हणाले. सनी देओल यांचे वडील धर्मेंद हे भाजपाचे बिकानेरचे माजी खासदार आहेत, तर त्यांच्या पत्नी हेमा मालिनी मथुराच्या भाजपा खासदार आहेत. आता सनी यांनी देखील भाजपात प्रवेश केला आहे.
Delhi: Actor Sunny Deol joins Bharatiya Janata Party in presence of Union Ministers Piyush Goyal and Nirmala Sitharaman pic.twitter.com/QgXwv5OrBI
— ANI (@ANI) April 23, 2019
Sunny Deol after joining BJP: The way my Papa worked with and supported Atal ji, I am here today to work with and support Modi ji. My work will do the talking. pic.twitter.com/JyAKFcG4Rn
— ANI (@ANI) April 23, 2019
सनी देओल यांनी गेल्या आठवड्यात भाजप अध्यक्ष अमित शहा यांची दिल्लीत भेट घेतली. तेव्हापासूनच सनी देओल भाजपमध्ये प्रवेश करणार असल्याच्या चर्चा राजकीय वर्तुळात रंगल्या होत्या. सनी यांना गुरुदासपूरमधून भाजपकडून उमेदवारी मिळण्याची शक्यता आहे, असं म्हटलं जात आहे.
