पंतप्रधान नरेंद्र मोदी यांना वादग्रस्त भाषणाच्या आरोपातून निवडणूक आयोगाने पुन्हा एकदा क्लिनचिट दिली. शुक्रवारी निवडणूक आयोगाने मोदी यांच्यावरील तीन प्रकरणातील निर्णय दिला. मोदी यांच्यासह आयोगाने भाजपाचे राष्ट्रीय अध्यक्ष अमित शाह यांनाही एका प्रकरणातून क्लिनचीट दिली आहे. दुसरीकडे काँग्रेस अध्यक्ष राहुल गांधी यांना आचारसंहिता उल्लंघन प्रकरणातील स्पष्टीकरणासाठीची मुदत वाढवली आहे.
EC on complaint made by Randeep Singh Surjewala of AICC over alleged violations of Model Code of Conduct, in a speech by PM Modi in Varanasi, UP on 25 April & in interview with Aaj Tak News Channel on 26 April: No such violation of the extant advisories/provisions is attracted. pic.twitter.com/3N9V1S2Oxf
— ANI (@ANI) May 3, 2019
पंतप्रधान नरेंद्र मोदी यांनी 25 एप्रिलला वाराणसीमधील प्रचार सभेतील भाषणात आणि 26 एप्रिलला 'आजतक' या टेलिव्हिजन वाहिनीला दिलेल्या मुलाखतीसंदर्भात काँग्रेसचे नेता रणदीप सुरजेवाला यांनी तक्रार दाखल केली होती. याशिवाय महाराष्ट्रातील नांदेडमधील प्रचारसभेतील भाषणात मोदी यांनी आचारसंहितेचे उल्लंघन केल्याची तक्रार दाखल करण्यात आली होती.
Election Commission has accepted the request seeking extension till May 7 for filing reply to the notice issued by Commission to Congress President Rahul Gandhi on May 1 over his impugned statement made on 23rd Apr in Shahdol, Madhya Pradesh. He was earlier given 48 hrs to reply. pic.twitter.com/fL5hBiZUuj
— ANI (@ANI) May 3, 2019
या तिन्ही आरोपातून निवडणूक आयोगाने मोदींना क्लिनचीट दिली. यापूर्वी आयोगाने तीन प्रकरणातून मोदींना क्लिनचीट दिली होती. भाजपा अध्यक्ष अमित शाह यांच्या विरुद्ध 22 एप्रिलला पश्चिम बंगालमधील प्रचारसभेत आचारसंहिता उल्लंघन केल्याची तक्रार काँग्रेस नेता रणदीप सुरजेवाला यांनी निवडणूक आयोगाकडे दाखल केली होती.
