शेतकऱ्यांच्या कर्जमाफीवरुन मध्य प्रदेशमध्ये सध्या शाब्दिक युद्ध सुरु आहे. यादरम्यान काँग्रेसचे काही नेते मंगळवारी माजी मुख्यमंत्री शिवराज सिंह चौहान यांच्या घरी जाऊन त्यांच्या हाती कर्जमाफी झालेल्या राज्यातील २१ लाख शेतकऱ्यांच्या नावांची यादीच दिली. या सर्व शेतकऱ्यांची कर्ज माफ झाल्याचा दावा त्यांनी केला आहे.
'प्रज्ञासिंह यांच्या प्रचारानंतर शिवराजसिंह यांना आंघोळ करावी लागत नाही ना?'
काँग्रेसचे ज्येष्ठ नेते आणि माजी केंद्रीय मंत्री सुरेश पचौरी यांच्या नेतृत्वाखाली काँग्रेस कार्यकर्ते खुल्या जीपमध्ये शेतकऱ्यांच्या नावांच्या याद्या घेऊन शिवराज सिंह यांच्या निवासस्थानी पोहोचले. त्यांनी त्यांच्याकडील २१ लाख शेतकऱ्यांची नावेच दिली. ही यादी जिल्हावार आहे.
Bhopal: A Congress delegation led by former Union Minister and Congress leader Suresh Pachouri reaches former Madhya Pradesh CM Shivraj Singh Chouhan residence with documents containing details of farmers whose loans have been waived off by the present state government. pic.twitter.com/m33w1VbAVa
— ANI (@ANI) May 7, 2019
यावेळी पचौरी म्हणाले की, राज्यात काँग्रेस सरकारने आपल्या जाहीरनाम्यात शेतकऱ्यांना दोन लाख पर्यंतचे कर्ज माफ करण्याचे वचन दिले होते. कमलनाथ यांच्या नेतृत्वाखालील काँग्रेस सरकारने सत्ता हाती घेताज कर्जमाफीची प्रक्रिया सुरु केली. या शेतकऱ्यांची यादी आणि पेन ड्राईव्ह शिवराज सिंह यांना सोपवला आहे.
कांग्रेस के वरिष्ठ नेता और पूर्व केन्द्रीय मंत्री सुरेश पचौरी जी के नेतृत्व में कांग्रेस नेताओं ने पूर्व मुख्यमंत्री शिवराज सिंह चौहान के निवास पर पहुंचकर मध्यप्रदेश में 21 लाख किसानों की कर्ज माफी की सूची सौंपी।
— MP Congress (@INCMP) May 7, 2019
—अब तो झूठ मत फैलाओं शिवराज। pic.twitter.com/odUX0Mhb8p
‘जय जवान-जय किसान कर्ज माफी’ योजने अंतर्गत एकूण ५५ लाख शेतकऱ्यांचे कर्ज माफ होणार असल्याचा दावा काँग्रेसने केला आहे. आचारसंहिता लागण्यापूर्वी सुमारे २१ लाख शेतकऱ्यांचे कर्ज माफ झालेले आहे. त्यांना कर्जमाफीचे प्रमाणपत्रही देण्यात आले आहे.
