Viral News: वाघाला जेवण द्यायला गेला, पण पिंजऱ्याचा दरवाजा बंद करायचा विसरला; पुढं भयंकर घडलं!

नेमके काय घडले?

ही घटना सोमवारी सकाळी घडली. हा कर्मचारी वाघाच्या पिंजऱ्यात त्याला अन्न देण्यासाठी गेला होता. परंतु, आरोग्य आणि सुरक्षिततेच्या निकषांचे पालन न करता त्याने वाघाच्या पिंजऱ्याचा सुरक्षा दरवाजा उघडा ठेवला. जेवण देऊन तो बाहेर पडण्याचा प्रयत्न करत असताना वाघाने त्याच्यावर हल्ला केला. प्रत्यक्षदर्शी आणि प्राणिसंग्रहालयातील कर्मचाऱ्यांनी दिलेल्या माहितीनुसार, वाघाच्या हल्ल्यात संबंधित कर्मचारी गंभीर जखमी झाला. जखमी अवस्थेत त्यांना तात्काळ रुग्णालयात नेण्यात आले, मात्र डॉक्टरांनी त्यांना मृत घोषित केले.

न्याय मिळाला नाही तर माझ्या अस्थी कोर्टासमोरील गटारात विसर्जित करा, पत्नीच्या जाचाला कंटाळून अभियंता तरुणानं जीवन संपवलं

प्राणिसंग्रहालयाच्या सुरक्षेबाबत प्रश्नचिन्ह निर्माण

बुखारेस्टमधील पिटेस्टी येथे असलेल्या या प्राणिसंग्रहालयात ५० वर्षांच्या इतिहासात पहिल्यांदाच अशा प्रकारची घटना घडली आहे. एका स्थानिक वृत्तपत्राने दिलेल्या वृत्तानुसार, या घटनेमुळे प्राणिसंग्रहालयाच्या सुरक्षेबाबत गंभीर प्रश्नचिन्ह निर्माण झाले आहे. पोलिसांनी या घटनेचा तपास सुरू केला असून सीसीटीव्ही फुटेज तपासले जात आहे. सुरक्षेच्या नियमांचे पालन करण्यात निष्काळजीपणा झाल्याचे प्राथमिक अहवालात समोर आले आहे.

प्राणिसंग्रहालय प्रशासन शोकाकूळ

या घटनेबद्दल दु:ख व्यक्त करत प्राणिसंग्रहालय प्रशासनाने सुरक्षेच्या नियमांचा आढावा घेण्याची प्रक्रिया सुरू करण्यात येणार असल्याचे सांगितले आहे. ही गंभीर मानवी चूक असून भविष्यात अशा घटना घडू नयेत, यासाठी कठोर पावले उचलली जातील, अशी कबुली प्रशासनाने दिली. या घटनेनंतर वाघ सध्या आपल्या पिंजऱ्यात बंदिस्त आहे.