भयंकर! आधी महिलेची निर्घृण हत्या; नंतर हातपाय कापून उज्जैन एक्स्प्रेसने ऋषिकेशला पाठवले! इंदूरमध्ये सापडले शरीराचे तुकडे

Manoj Jarange : मनोज जरांगे पाटलांची प्रकृती खालावली, उपोषणाचा चौथा दिवस, उपचार घेण्यास दिला नकार

योगनगरी ऋषिकेश रेल्वे स्थानकावर सोमवारी उज्जैन एक्स्प्रेसच्या बोगीत एका महिलेचे छिन्नविछिन्न अवस्थेत हात व पाय एका प्लॅस्टिकच्या पिशवीत सापडल्याने खळबळ उडाली आहे. जीआरपीने महिलेचे दोन हात आणि पाय ताब्यात घेतले असून फिंगर प्रिंट तज्ज्ञांच्या पथकाने घटनास्थळावरून नमुने घेतले आहेत.

जीआरपी ऋषिकेशच्या म्हणण्यानुसार, उज्जैन एक्स्प्रेस गेल्या रविवारी संध्याकाळी ७ वाजण्याच्या सुमारास इंदूरहून सुटल्यानंतर योगनगरी ऋषिकेशला पोहोचली. येथील प्रवाशांना उतरवल्यानंतर ही गाडी स्थानकाच्या वॉशिंग यार्डमध्ये हलवण्यात आली.

Onion Price Hikes: कांदाच्या दरात ५ ते १० रुपयांची वाढ, सर्वसामान्यांच्या खिशाला कात्री; जाणून घ्या नवे दर

सोमवारी दुपारी सफाई कर्मचाऱ्यांना वॉशिंग लाईन क्रमांक नऊवर रेल्वेच्या एस-१ आणि एस-२ डब्यांमधील स्वच्छतागृहाजवळ प्लास्टिकची पिशवी पडलेली आढळली. या पिशवीतून खूप उग्र वास येत होता. सफाई कर्मचाऱ्यांनी तातडीने आरपीएफ आणि जीआरपीला याची माहिती दिली. यानंतर जीआरपीचे पथक घटनास्थळी पोहोचले. ही पिशवी उघडल्यावर सर्वांना धक्का बसला. पिशवीत एका महिलेचे दोन हात आणि पाय कापलेले आढळले. तिच्या हातात बांगड्या होत्या. यावरून हे शरीराचे तुकडे एका एका महिलेचे असल्याचे उघड झाले.

डेहराडूनहून आलेल्या फिंगर प्रिंट तज्ज्ञांच्या पथकाने घटनास्थळावरून आवश्यक नमुने घेतले. त्याच्या हात आणि पायांचे नमुने घेऊन त्याचा डीएनए तपासणीसाठी पाठवण्यात आले आहे. जीआरपी चौकीचे प्रभारी आनंद गिरी यांनी सांगितले की, ऋषिकेश आणि आसपासच्या स्थानकातील सीसीटीव्ही कॅमेरे अद्याप तपासण्यात आलेले नाही.

Jalna Crime : जालना हादरलं! दारूसाठी भीक मागत नाही म्हणून पोटच्या मुलासोबत बापाने केलं भयानक कृत्य

पोलिसांनी महिलेच्या शरीराचे अवयव ताब्यात घेतले असून घटनास्थळाचा पंचनामा केला आहे. या मृत महिलेची ओळख पटत नाही तोपर्यंत हे तुकडे एम्सच्या शवागारात ठेवण्यात आले आहे. या प्रकरणाचा उलगडा करण्यासाठी पोलिसांची अनेक पथकेही तयार करण्यात आली आहेत. पोलीस या प्रकरणाचा प्रत्येक बाजूने तपास करत आहेत.

महिलेचा इतर शरीराचे तुकडे सापडले इंदोरमध्ये

जीआरपी पोलिस स्टेशनचे एसएचओ त्रिवेंद्र राणा यांनी दिलेल्या माहितीनुसार, ९ जून रोजी इंदूर रेल्वे स्टेशनवर यार्डमध्ये उभ्या असलेल्या पॅसेंजर ट्रेनमध्ये एका महिलेचा मृतदेह दोन तुकड्यांमध्ये आढळून आला होता. महिलेच्या डोक्यापासून कंबरेपर्यंतचा भाग ट्रेनमध्ये ठेवलेल्या ट्रॉली बॅगमध्ये सापडला आणि कमरेच्या खाली असलेला शरीराचा भाग एका पोत्यात सापडला.

महिलेच्या शरीरातून हात व पाय तोडले होते. महिलेचे वय अंदाजे २५ वर्षे आहे. ऋषिकेशमध्ये सापडलेल्या महिलेचे हात आणि पाय हे इंदूरमध्ये सापडलेल्या महिलेच्या शरीराचे उर्वरित भाग असल्याचे तपासात स्पष्ट झाले आहे. या महिलेची हत्या ऐवढ्या वाईट पद्धतीने का करण्यात आली असावी तसेच आरोपी कोण आहेत ? याचा तपास पोलिस करत आहेत.