पती व प्रियकराने मिळून केली महिलेची 'दृश्यम' स्टाईल हत्या, खुनाची पद्धत पाहून पोलीसही चक्रावले

जवळपास महिनाभर खुनाचा बेत आखताना दोघांनी थ्रिलर चित्रपट पाहिला. तिचा जोडीदार राजा राम याने हा चित्रपट चार वेळा पाहिला आणि तिचा माजी पती लुकेश साहू याने एकदा पाहिला. या चित्रपटामुळे त्यांना हत्या घडवून आणण्यात मदत होईल आणि अटक टाळण्याचा कट रचला जाईल, असा विश्वास होता.

ही घटना १९ जुलै रोजी घडली असून कॉल डिटेल्स रेकॉर्ड आणि संशयितांची चौकशी अशा तांत्रिक पुराव्यांच्या आधारे पोलिसांनी आरोपींचा शोध घेतला.

धोका दिल्याच्या संशयावरून पीडितेला पती लुकेश साहू (२९) यान् तीन वर्षांपूर्वी सोडून दिले होते. त्यानंतर ही महिला कल्याणपूर येथील आपल्या वडिलोपार्जित घरी स्थायिक झाली आणि न्यायालयाच्या आदेशानुसार साहू यांच्याकडून दरमहा पोटगी घेत होती. याच गावातील राजा राम (वय २६) याच्याशी या महिलेचे प्रेमसंबंध होते.

भाचीच्या प्रेमात वेडी झाली मामी; पळून जाऊन केले लग्न, ३ वर्षापासून सुरू होते दोन महिलांचे अफेअर

अटकेनंतर पीडितेला मासिक भत्ता देऊन कर्जबाजारी झाल्याचे तिच्या पतीने पोलिसांना सांगितले. दुसरा आरोपी राजा राम याने पोलिसांना सांगितले की, त्याने आपल्या दुकानातून सुमारे दीड लाख रुपयांची रोकड आणि इलेक्ट्रॉनिक गॅझेट्स देऊनही महिलेच्या मागण्या कमी होत नव्हत्या. महिलेच्या वारंवार पैशाच्या मागणीला तो कंटाळला होता.

आर्थिक अडचणींना कंटाळून दोघांना 'अडचणी'तून सुटका हवी होती आणि म्हणूनच त्यांनी तिची हत्या करण्याचा निर्णय घेतला. गुन्ह्याच्या दिवशी महिला आणि तिचा साथीदार जवळच्या घानीखुटा जंगलात गेले, जिथे तिचा विभक्त पतीही ठरल्याप्रमाणे पोहोचला. दोन्ही आरोपींनी पीडितेचा साडीने गळा दाबून खून केला.

खाऊचं आमिष दाखवून ८ वर्षीय मुलीवर बलात्कार, रडू लागल्यावर दिली २० रुपयांची नोट अन् तिथंच फसला..

त्यानंतर दोघांनी मृतदेह दरीच्या तळाशी पुरला आणि तिची दुचाकी आणि मोबाइल फोन करनाळा बंधाऱ्यात फेकून दिला. आरोपीने गावातील विजेच्या खांबाजवळ तिचे दागिने जमिनीखाली लपवून ठेवले. मृतदेह दफन करण्यासाठी खड्डा खोदण्यासाठी वापरण्यात येणारी शेतीची अवजारे त्यांनी सरकारी शाळेजवळील नाल्यात फेकली.

पोलिसांनी पीडितेचा मृतदेह, वाहन, दागिने आणि गुन्ह्यासाठी वापरलेले इतर साहित्य जप्त केले असून पुढील तपास सुरू आहे.