चंडीगड महापौर निवडणूक मतपत्रिकेवर क्रॉस मार्क का केलं? सुप्रीम कोर्टानं अधिकाऱ्याला फटकारलं

दरम्यान अनिल मसीह यांच्या उत्तराने न्यायालयाचे समाधान झाले नाही. यावर न्यायालयाने विचारले की, बॅलेट पेपर्स सुरक्षित आहे का? त्यांनी होय असे उत्तर दिल्यानंतर न्यायालयाने ते सादर करण्यास सांगितले.

ज्या मतपत्रिकेवर निवडणूक अधिकाऱ्याने क्रॉस मार्क केला आहे त्या उद्या आम्हाला दाखवा," अशा सूचना कोर्टाने दिल्या आहेत. याप्रकरणी उद्या पुन्हा सुनावणी होणार आहे. देशात निवडणुकांमध्ये होत असलेल्या घोडेबाजाराबाबत आम्ही चिंतेत आहोत. हा खूप गंभीर प्रकार असल्याचे न्यायाधीशांनी म्हटलं आहे.

देशाला मिळणार ३ नवीन IIM, ४ IIT-IIS आणि २० केंद्रीय विद्यालये, पंतप्रधान मोदींच्या हस्ते उद्घाटन

चंदीगड महापौरपदाच्या निवडणुकीत आप व काँग्रेस एकत्र येऊनही भाजपने ही निवडणूक जिंकली होती. तेव्हापासून ही निवडणूक देशभर चर्चेचा विषय ठरली. या निवडणुकीत निवडणूक अधिकाऱ्याने घोळ घालत भाजप उमेदवाराला जिंकण्यासाठी मदत केल्याचा आरोप आम आदमी पक्ष आणि काँग्रेसकडून करण्यात आला होता. यायाबत सुप्रीम कोर्टात तक्रार दाखल केली होती. यावर आज झालेल्या सुनावणी दरम्यान सरन्यायाधीश धनंजय चंद्रचूड यांनी निवडणूक अधिकारी अनिल मसीह यांना चांगलच फटकारलं.

दरम्यान निवडणुकीबाबत सर्वोच्च न्यायालयात आज होणाऱ्या सुनावणीपूर्वी चंदीगडचे महापौर मनोज सोनकर यांनी रविवारीआपल्या पदाचा राजीनामा दिला होता.