कोण होते निजामांचे रझाकार, ज्यांनी मल्लिकार्जुन खर्गेंच्या घराला लावली होती आग, योगींनी आताच का चर्चेत आणला मुद्दा?
हैदराबादवर निजामाचे राज्य होते आणि तेथे बंडही झाले होते. त्यावर तत्कालीन गृहमंत्री सरदार पटेल यांच्या आदेशानुसार ऑपरेशन पोलो करण्यात आले. ऑपरेशनच्या तीन दिवसांनंतरच हैदराबाद भारतात विलीन झाले. हा मुद्दा महाराष्ट्राच्या विधानसभा निवडणुकीत चर्चेत आला आहे.
महाराष्ट्र विधानसभा निवडणुकीच्या प्रचारा दरम्यान काँग्रेसचे मल्लिकार्जुन खर्गे यांनी उत्तर प्रदेशचे मुख्यमंत्री योगी आदित्यनाथ यांची भाषा दहशतवाद्यांसारखी असल्याचे म्हटले होते. यावर उत्तर प्रदेशचे मुख्यमंत्री म्हणाले की, मी एक योगी आहे, ज्यांना देश प्रथम आहे. पण मल्लिकार्जुन खर्गे यांनी माझ्याऐवजी रझाकारांबद्दल बोलले पाहिजे, ज्यांनी त्यांच्या घराला आग लावली. त्यात त्याची आई, बहीण आणि कुटुंबातील इतर सदस्य जिवंत जाळण्यात आले. योगींच्या विधानानंतर महाराष्ट्राच्या राजकारणात रझाकारही एक मुद्दा बनला आहे. यामुळे मराठवाडा पट्ट्यातही ध्रुवीकरण होऊ शकते, असे मानले जात आहे.
काय आहे घटना, ज्याची आता रंगलीय चर्चा -
देशाला स्वातंत्र्य मिळाल्यानंतर १९४७ मध्ये सुमारे ५०० संस्थाने भारतात विलीन होणार होती. सर्व संस्थानांचे सहज विलीनीकरण झाले, पण जम्मू-काश्मीर, जुनागड आणि हैद्राबाद यांच्याबाबत थोडा वाद झाला. हैदराबादवर निजामाचे राज्य होते आणि थोडे बंडही झाले होते. त्यावर तत्कालीन गृहमंत्री सरदार पटेल यांच्या आदेशानुसार ऑपरेशन पोलो करण्यात आले. ऑपरेशनच्या तीन दिवसांनंतरच हैदराबाद भारतात विलीन झाले. मात्र, या तीन दिवसात रझाकारांनी जोरदार गदारोळ घातला होता. रझाकार निजामाच्या सैन्याला म्हटले जात होते.
रझाकारांनी कोणाला बनवले होते निशाणा -
रझाकारांनी त्या काळात भारतात सामील होण्याचे समर्थन करणाऱ्या सर्वसामान्य नागरिकांचा छळ केला होता. यातील बहुतांश लोक गैरमुस्लिम होते, जे हिंसाचाराला बळी पडले. मल्लिकार्जुन खर्गे यांनीही एकदा सांगितले आहे की, ते घराबाहेर खेळत होते आणि त्यांचे वडील शेतात काम करत होते. दरम्यान, रझाकारांच्या जमावाने घरावर हल्ला करून जाळपोळ केली. ज्यात त्यांची आई, बहीण आणि कुटुंबातील इतर सदस्यांना जिवंत जाळण्यात आले. हा हल्ला रझाकारांनी केला होता, ज्यांना निजामाने भारतात सामील होण्याचे समर्थक असलेल्यांना चिरडून टाकण्याचे आदेश दिले होते. अखेर ऑपरेशन पोलोमुळे निजामाला नतमस्तक व्हावे लागले आणि १७ सप्टेंबर १९४८ रोजी हैदराबादचे विलीनीकरण झाले.
महाराष्ट्र निवडणुकीत का होत आहे चर्चा -
खरं तर मराठवाडा नावाचा महाराष्ट्राचा भाग एकेकाळी तत्कालीन हैदराबादचा भाग होता. येथे निजामाचे राज्य होते व बहुतेक जिल्हे हिंदूबहुल होते, परंतु राज्यकर्ते मुस्लीम होते. औरंगाबाद, बीड, हिंगोली, जालना, लातूर, नांदेड, उस्मानाबाद, परभणी हे जिल्हे निजामाच्या अधिपत्याखाली होते. खर्गे यांचे कर्नाटकात असलेले वरवती हे गावही त्यावेळी हैद्राबादच्या अखत्यारित आले होते. त्यावेळी कर्नाटकातील कलबुर्गी, रायचूर, कोप्पल आणि बळ्ळारी हे भाग हैदराबाद संस्थानाचा भाग होते.
