Christmas Tree History: ख्रिसमस ट्री सजवण्याची परंपरा कोणत्या देशातून सुरू झाली? वाचा

ख्रिसमस ट्रीच्या इतिहासाबद्दल बोलायचे झाले तर, सोळाव्या शतकाशी संबंधित असल्याचे मानले जाते. जगात सर्वात प्रथम ख्रिसमस ट्री जर्मनीत सजवण्यात आले. या देशातील लोकांनी घरात झाड सजवण्याची परंपरा सुरू केली होती, असे म्हटले जाते. ख्रिसमस ट्रीची परंपरा प्रोटेस्टंट नेते मार्टिन ल्यूथर किंग यांनी सुरू केली असाही एक समज आहे. त्यांनी झाडांच्या फांद्या आणि मेणबत्यांनी आपले घर सजवले होते.

Poisonous Plants: जगातील सर्वात विषारी आहे 'ही' वनस्पती, स्पर्श करताच वेडा होतो माणूस

घरात ख्रिसमस ट्री सजवण्याची परंपरा १९ व्या शतकात संपूर्ण जगभरात पसरली.दरम्यान, १८४० मध्ये इंग्लंडच्या राणी व्हिक्टोरियाचे पती प्रिन्स अल्बर्ट यांनी ही परंपरा लोकप्रिय केली. पण त्याआधीच इंग्लंडमध्ये ख्रिसमस ट्री सजवले जात होते. असेही म्हटले जाते की, १८०० जॉर्जची तिसरी पत्नी राणी शार्लोट यांनी इंग्लंडमध्ये पहिल्यांदा ख्रिसमस ट्री लावले होते, तेव्हापासून या देशात ख्रिसमस ट्रीची परंपरा सुरू झाली.

खरा ख्रिसमस ट्री हे अशा ठिकाणी वाढते, जिथे हवामान खूप गरम किंवा खूप थंड नसते. ख्रिसमसला हिंदीत पाइन ट्री म्हणतात. या झाडांचे अनेक प्रकार आहेत, त्यापैकी डग्लस फिर, व्हर्जिनिया पाइन, फ्रेझर फिर, बाल्सम फिर, व्हाईट स्प्रूस, कोलोरॅडो स्प्रूस आणि नॉर्वे स्प्रूस खूप प्रसिद्ध आहेत. 'नॉर्वेजियन फिर', 'ब्लू स्प्रूस' आणि 'बाल्सम फिर' हे ख्रिसमसच्या सजावटीसाठी सर्वात जास्त वापरले जातात.

ख्रिसमसच्या झाडांसाठी ऐटबाज, पाइन आणि देवदार यांसारखी सदाहरित झाडे वापरली जातात. ही झाडे थंड भागात आढळतात. ही झाडे मुख्यतः हिमालयीन प्रदेशात आढळतात. हिमाचल प्रदेश, उत्तराखंड, जम्मू आणि काश्मीरमध्ये सदाहरित वृक्ष आढळतात. शिमला, डलहौसी, डेहराडूनमध्ये चकराता येथे देखील आढळतात, याशिवाय कॅनडा आणि अमेरिका आणि थंड ठिकाणी बाल्सम फिर आणि इतर प्रकारचे फर झाडे वाढतात.