काय आहे भारतीय वायुयान अधिनियम; आजपासून होणार लागू, ९० वर्षे जुना कायदा करण्यात येणार रद्द

संसदेने गेल्या वर्षी डिसेंबरच्या सुरुवातीला त्याला मंजुरी दिली होती. विमानाचे डिझाइन, उत्पादन, देखभाल, मालकी, वापर, ऑपरेशन, विक्री, निर्यात आणि आयात यांचे नियमन आणि नियंत्रण सुनिश्चित करणे हा या कायद्याचा उद्देश आहे. त्याचबरोबर हवाई वाहतूक क्षेत्रात सुधारणा आणि पारदर्शकता आणण्याचा प्रयत्न आहे.

देशभरातील कोट्यवधी शेतकऱ्यांना मोदी सरकारचे नववर्षाचे मोठे गिफ्ट; DAP चे दर वाढणार नाहीत, पीक विमा योजनेवरही निर्णय

नव्या कायद्याची प्रमुख वैशिष्ट्ये :

• हा कायदा भारतीय कंपन्यांना विमान निर्मिती आणि डिझाइनमध्ये सक्षम करेल.
• यामुळे जुन्या कायद्यात २१ वेळा असलेली गुंतागुंत दूर होणार आहे.
• यामुळे भारताच्या वेगाने वाढणाऱ्या नागरी हवाई वाहतूक बाजारपेठेला नव्या उंचीवर नेण्यास मदत होईल.
• गुन्ह्यांमध्ये धोकादायकपणे विमान उडवणे, विमानात शस्त्रे किंवा स्फोटके वाहून नेणे आणि विमानतळांजवळ कचरा जमा करणे किंवा प्राण्यांची कत्तल करणे आदि प्रकरणात तीन वर्षांपर्यंत कारावास, एक कोटी रुपयांपर्यंतचा दंड किंवा दोन्ही शिक्षा होऊ शकतात.
• या विधेयकात नियमांचे उल्लंघन केल्याबद्दल दंड आकारण्याशी संबंधित निर्णयांविरुद्ध दुसरे अपील करण्याची तरतूद आहे.

या कायद्यामुळे विमानांची निर्मिती, डिझाइन, देखभाल, मालकी, वापर, ऑपरेशन, विक्री, निर्यात आणि आयात यावर संपूर्ण नियंत्रण केंद्र सरकारला मिळते. विमानांशी संबंधित इतर बाबींचे नियमन आणि नियंत्रण करण्याचे अधिकार केंद्र सरकारला असतील. या कायद्यानुसार विमानांचे धोकादायक उड्डाण, विमानात शस्त्रे किंवा स्फोटके बाळगणे, विमानतळाजवळ कचरा टाकणे किंवा जनावरांची कत्तल करणे गुन्हा आहे. या गुन्ह्यांमध्ये तीन वर्षांपर्यंत कारावास, एक कोटी रुपयांपर्यंत दंड किंवा दोन्ही शिक्षा होऊ शकतात.

Indian Railways : ट्रेनमध्ये प्रवासात सोबत किती सामान घेऊन जाता येते? जाणून घ्या संपूर्ण माहिती

या कायद्यामुळे भारत हवाई वाहतूक उद्योगात स्वयंपूर्ण तर होईलच, शिवाय जागतिक स्पर्धात्मकतेतही भक्कम स्थान मिळेल, असे तज्ज्ञांचे मत आहे. इंडियन एरोनॉटिक्स अ‍ॅक्ट, २०२४ ची अंमलबजावणी हे भारतीय हवाई वाहतूक क्षेत्रातील सुधारणा आणि नावीन्यपूर्णतेचे लक्षण आहे. यामुळे देशात विमान निर्मिती आणि डिझाईन क्षेत्रात नव्या संधी तर निर्माण होतीलच, शिवाय रोजगार आणि तांत्रिक प्रगतीची नवी दारे खुली होतील.