वेश्याव्यवसाय रॅकेटप्रकरणी भाजपा नेत्याला अटक, ६ अल्पवयीन मुलींची पोलिसांकडून सुटका

टीएमसीने म्हटले आहे की, बंगाल पोलिसांनी या प्रॉस्टिट्यूशन रॅकेटचा भांडाफोड केला आहे. हे हावड्यात सब्यसाची घोष यांच्या हॉटेलात चालवले जात होते. टीएमसीने भाजपवर महिलांना नव्हे तर दलालांना वाचवल्याचा आरोप केला आहे.  TMC च्या ऑफिशियल एक्स हँडलवर याबाबत पोस्ट केली आहे. 

त्यात म्हटले आहे की, बंगाल भाजपचा नेता सब्यसाची घोष यांना हावडा येथील  सांकराइल येथे आपल्या हॉटेलात अल्पवयीन मुलींकडून वेश्या व्यवसाय रॅकेट चालवताना पकडण्यात आले आहे. या प्रकरणात पोलिसांनी ११ आरोपींना अटक केली असून ६ अल्पवयीन मुलींचा सुटका केली आहे. हेच भाजप आहे, जे मुलींची नाही दलालांचे संरक्षण करते.

संदेशखाली येथील अनेक महिलांनी सत्ताधारी तृणमूलच्या अनेक नेत्यांवर लैंगिक शोषण आणि जमीन बळकावल्याचा आरोप केला होता. स्थानिक जिल्हा परिषद सदस्य शेख शहाजहान हा मुख्य गुन्हेगार असल्याचा आरोप महिलांनी केला आहे.

आता तृणमूलने भाजपाविरोधात शड्डू ठोकला आहे. भाजपा नेते सब्यसाची घोष यांना वेश्याव्यवसायाचे रॅकेट चालवल्याप्रकरणी अटक करण्यात आली आहे. यावरून तृणमूल काँग्रेसने भाजपावर टीकास्र डागलं आहे.