Wayanad By Election : वायनाडमध्ये टफ फाईट..! प्रियंका गांधी आघाडीवर की पिछाडीवर? जाणून घ्या

पलक्कड पोटनिवडणुकीतही तिरंगी मुकाबला -

त्याचबरोबर पलक्कड़ विधानसभा पोटनिवडणुकीत तिरंगी लढत होताना दिसत आहे. सुरुवातीला भाजप उमेदवार सी कृष्णकुमार यांनी आघाडी घेतली होती, मात्र आता ते पिछाडीवर पडले आहेत. काँग्रेस उमेदवार राहुल ममकूटथिल आघाडीवर आहेत. काँग्रेसचा हात सोडून माकपा समर्थित अपक्ष उमेदवार डॉ. पी सरीन तिसऱ्या नंबरवर आहेत.

दोन हजार कोटींचा घोटाळा करूनही गौतम अदानी बाहेर कसे? त्यांना तात्काळ अटक करा; राहुल गांधी यांची मागणी

चेलाक्कारा विधानसभा मतदारसंघात सीपीआय (एम) उमेदवार यूआर प्रदीप ४,४९८मतांनी आघाडीवर आहेत.

वायनाडमध्य़े प्रियंका गांधी यांना मोठी आघाडी -

प्रियंका गांधी यांची ही पहिलीच निवडणूक आहे. वायनाड लोकसभा मतदारसंघात विधानसभेचे सात मतदारसंघ आहेत. यामध्ये वायनाड जिल्ह्यातील मनंतावाडी (राखीव),सुल्तान बथेरी (राखीव), कलपेट्टा, कोझिकोड जिल्ह्तील तिरुवमबाडी तसेच मलप्पुरम जिल्ह्यातील निलांबूर, ईरानद आणि वंडूर जागांचा समावेश आहे. राहुल गांधी यांच्या राजीनाम्यानंतर वायनाडची जागा रिक्त होती. लोकसभा निवडणुकीत रायबरेलीतूनही विजयी झाल्य़ानंतर राहुल गांधींनी वायनाडची जागा सोडली होती. त्यामुळे येथे पोटनिवडणूक लावली गेली.

झारखंडमध्ये झारखंड मुक्ती मोर्चा की भाजप युती? कोण स्थापन करणार सरकार? एक्झिट पोलमध्ये मोठा खुलासा

प्रियंका कि नव्या हरिदास,वायनाडमधून कोण?

वायनाड लोकसभा मतदारसंघातील पोटनिवडणुकीसाठी १३ नोव्हेंबर रोजी मतदान झाले असून १६ उमेदवार निवडणुकीच्या रिंगणात आहेत. प्रियंका गांधी पहिल्यांच या निवडणुकीच्या माध्यमातून सक्रीय राजकारणात पदार्पण करत आहेत. मार्क्सवादी कम्युनिस्ट पार्टीच्या नेतृत्वातील डावी आघाडी (एलडीएफ) ने सत्यन मोकेरी यांना तर भारतीय जनता पार्टीच्या नेतृत्वातील राष्ट्रीय जनतांत्रिक आघाडी (आरजेडी) ने नव्या हरिदास यांना मैदानात उतरवले आहे.