Viral Video: जिथे डिलिव्हरी करण्यासाठी गेला, तिथेच केली चोरी; डिलिव्हरी बॉयचा व्हिडिओ व्हायरल

व्हायरल होत असलेल्या १९ सेकंदाच्या व्हिडिओमध्ये फ्लॅटच्या बाहेरील पायऱ्यांजवळ काही शूज ठेवलेले दिसत आहेत. तेवढ्यात एक डिलिव्हरी बॉय जिन्यावरून खाली येतो. त्याने हेल्मेट घातले आहे. डिलिव्हरी बॉय तिथे ठेवलेल्या शूजकडे बघतो आणि त्यातील एक उचलून बॅगेत ठेवतो. बॅग बंद करून तो पायऱ्यांवरून खाली उतरतो. व्हायरल होत असलेल्या फुटेजच्या आधारे पोलिसांनी या प्रकरणाचा तपास सुरू केला आहे. हा डिलिव्हरी बॉय स्विगी कंपनीचा असल्याचे सांगितले जात आहे. कारण त्याने स्विगीचा टी-शर्ट घातला आहे. मात्र, चौकशीनंतरच संपूर्ण सत्य समोर येईल.  

Viral News: रेल्वे रुळावर रील बनवण्यात मग्न, ट्रेन आल्याचंही भान राहिलं नाही; तिघांना गमवावा लागला जीव!

व्हायरल होत असलेल्या या व्हिडिओवर वेगवेगळ्या प्रकारच्या प्रतिक्रिया येत आहेत. नॉलेज रूम नावाच्या युजरने एक्सवर लिहिले आहे की, 'असे लोक गरीब कुटुंबातून येतात. त्यांच्याकडे चांगले शूज नाहीत, हे माझ्या लक्षात आले आहे. आपण त्यांना मदत केली पाहिजे. अकीलने लिहिले की, 'ही चोरी आहे की मजबूरी हे मला माहित नाही. अभिषेक रावने लिहिले की, 'ही चोरी नाही, तर मजबूरी आहे. शशांकने लिहिले की, 'मजबूरीअसेल पण तसे करणे चुकीचे आहे. जुबेरने लिहिले की, 'चोरी करण्याची मजबूरी होऊ शकत नाही. गरिबीचा अपमान कशासाठी? पवनने लिहिले की, 'पोलिसांकडे तक्रार करावी. आज तो शूज चोरतोय, उद्या तो काहीतरी वेगळेकरेल. व्हायरल होत असलेल्या या सीसीटीव्ही फुटेजच्या आधारे नोएडा पोलिसांनी या प्रकरणाचा तपास सुरू केला आहे.

याआधी एका डिलिव्हरी बॉयचा व्हिडिओ सोशल मीडियावर व्हायरल झाला होता, या व्हिडिओ डिलिव्हरी बॉय ग्राहकांनी ऑर्डर दिलेले जेवण खात असल्याचे दिसत आहे. या घटनेचा व्हिडिओ सोशल मीडियावर व्हायरल झाल्यानंतर नेटकऱ्यांमध्ये संतापाची लाट उसळली होती. तसेच संबंधित डिलिव्हरी बॉयविरोधात कडक कारवाई करण्याची मागणी केली.