रेल्वे रुळावरून चालताना अचानक समोरून आली सुपरफास्ट ट्रेन आणि मग…; व्हिडिओ पाहून चक्रावून जाल!

व्हायरल होत असलेल्या व्हिडिओमधील व्यक्तीचे नाव पवित्रन असल्याचे पोलिसांनी सांगितले. पवित्रन हे ५६ वर्षांचे आहेत. रेल्वे पोलिसांच्या एका अधिकाऱ्याने सांगितले की, पवित्रनचा जबाब नोंदविण्यात आला आहे. पवित्रनने दिलेल्या माहितीनुसार, तो फोनवर बोलत होता आणि समोरून ट्रेन येत असल्याचे त्याला समजले नाही. ट्रेन इतकी जवळ आली की, त्याला बाजुला होणे देखील कठीण झाले. यामुळे त्याने तिथेच रेल्वे रुळावर झोपण्याचा निर्णय घेतला. ज्यामुळे त्याचा जीव वाचला.

या घटनेवर पोलिसांनी प्रतिक्रिया दिली. 'व्हिडिओ पाहून आम्हालाही आश्चर्याचा धक्का बसला. ट्रेनला पाहून त्याने लगेच झोपण्याचा निर्णय घेतल्याने तो सुरक्षित राहिला. या घटनेचा व्हिडिओ व्हायरल होताच, एक मद्यधुंद व्यक्ती फूटपाथवर पडून असल्याची अफवा पसरू लागली. यावर पवित्रन स्पष्टीकरण दिले. घटनेच्या वेळी मी दारू प्यायलो नव्हतो. स्वत: जीव वाचवण्यासाठी मी रेल्वे रुळावर झोपलो. शाळेत सफाई कामगार म्हणून काम करणाऱ्या पवित्रन यांनी सांगितले की, या घटनेमुळे त्यांना मोठा धक्का बसला आहे. ते अजूनही या घटनेतून सावरलेले नाहीत.

रेल्वे रूळ ओलांडणे कायद्याने गुन्हा

रेल्वे रूळ ओलांडणे हा कायद्याने गुन्हा असूनही अनेक जण रेल्वेच्या पादचारी पुलाचा वापर न करता थेट रुळावून एका फलाटावरून दुसऱ्या फलाटावर ये-जा करताना दिसतात. मात्र, असे करणे अनेकांच्या जीवावर बेतले आहे. रेल्वे अपघात रोखण्यासाठी रेल्वे प्रशासनाकडून सातत्याने प्रयत्न केले जात आहेत.बेकायदेशीरपणे रुळ ओलांडणाऱ्यांनाही धडक मोहीम राबवून पकडले जात आहे. रेल्वे कायद्याचे कलम १४७ रेल्वे रुळ ओलांडण्याच्या गुन्ह्याखाली एखाद्या व्यक्तीला अटक केली जाऊ शकते. असे करताना आढळल्यास त्या व्यक्तीला ६ महिन्यांपर्यंत तुरुंगवास होऊ शकतो. तर, १००० रुपयांपर्यंत दंडाचीही तरतूद आहे.