Viral Video: धावत्या बसमध्ये माजी आयएएस अधिकाऱ्याला मारहाण, कंडक्टरचं संतापजनक कृत्य, नेमके प्रकरण काय?
मराठी बातम्या  /  देश-विदेश  /  Viral Video: धावत्या बसमध्ये माजी आयएएस अधिकाऱ्याला मारहाण, कंडक्टरचं संतापजनक कृत्य, नेमके प्रकरण काय?

Viral Video: धावत्या बसमध्ये माजी आयएएस अधिकाऱ्याला मारहाण, कंडक्टरचं संतापजनक कृत्य, नेमके प्रकरण काय?

Jan 13, 2025 03:00 PM IST

Ex-IAS Officer Assaulted By Bus Conducter: १० रुपये जादा भाडे देण्यास नकार दिल्याने बस कंडक्टरने एका माजी आयएएस अधिकाऱ्याला मारहाण केल्याचा संतापजनक प्रकार उघडकीस आला आहे.

व्हायरल व्हिडिओ: धावत्या बसमध्ये माजी आयएएस अधिकाऱ्याला मारहाण
व्हायरल व्हिडिओ: धावत्या बसमध्ये माजी आयएएस अधिकाऱ्याला मारहाण

Jaipur Bus Conducter Viral Video:  जयपूरमध्ये धावत्या बसमध्ये ७५ वर्षीय माजी आयएएस अधिकाऱ्याला बस कंडक्टरने मारहाण केल्याची धक्कादायक घटना घडली. आरोपी कंडक्टरने माजी अधिकाऱ्याला त्यांचा स्टॉप चुकला. त्यानंतर माजी अधिकाऱ्याने पुढच्या स्टॉपवर उतरण्याचा निर्णय घेतला. मात्र, कंडक्टरने त्यांच्याकडे अतिरिक्त १० रुपये मागितले. परंतु, माजी अधिकाऱ्याने स्पष्ट नकार दिला. यामुळे दोघांत वाद पेटला. या वादातून कंडक्टरने माजी अधिकाऱ्याला मारहाण केली, ज्याचा व्हिडिओ सोशल मीडियावर व्हायरल झाल्यानंतर नेटकऱ्यांमध्ये संतापाची लाट उसळली. याप्रकरणी संबंधित बस कंडक्टरविरोधात गुन्हा दाखल करण्यात आला असून पोलिसांनी पुढील चौकशीला सुरुवात केली आहे.

कानोताचे स्टेशन हाऊस ऑफिसर उदय सिंह यांनी सांगितले की, माजी आयपीएस अधिकारी आरएल मीणा आग्रा रोडवरील कानोता बसस्थानकावर उतरणार होते. मात्र, बस कंडक्टरने कल्पना न दिल्याने त्यांचा स्टॉप चुकला. यामुळे त्यांनी नायला येथील पुढील स्टॉपवर उरतायचे ठरवले. मात्र, बस कंडक्टरने त्यांच्याकडून अतिरिक्त १० रुपये मागितले. पण मीणा यांनी पैसे देण्यास नकार दिला आणि वादाला सुरुवात झाली. वाद विकोपाला गेल्यानंतर बस कंडक्टरने मीणा यांना मारहाण केली. घनश्याम शर्मा असे कंडक्टरचे नाव आहे. ही घटना शुक्रवारी घडली.

@1K_Nazar या ट्विटर हँडलवरून हा व्हिडिओ शेअर करण्यात आला आहे. या व्हिडिओच्या कॅप्शनमध्ये असे लिहिले आहे की, 'एका कंडक्टरने निवृत्त आयएएस अधिकाऱ्याला मारहाण केली. शासनाने अशा लोकांना कायद्याचे अस्तित्व लक्षात आणून द्यावे. हा व्हिडिओ जयपूर शहरातील आहे. काहीही असो पण वृद्ध व्यक्तीसोबत असे वर्तन अजिबात योग्य नाही. अशा व्यक्तीविरोधात ताबडतोब कारवाई करण्यात यावी.' या घटनेचा व्हिडिओ सोशल मीडियावर व्हायरल झाल्यानंतर नेटकऱ्यांमध्ये संतापाची लाट उसळली आहे.

या घटनेनंतर आयएएस अधिकाऱ्याने कानोटा पोलीस ठाण्यात संबंधित बस कंटक्टरविरोधात फिर्याद दिली. या घटनेचे गांभीर्य लक्षात घेऊन पोलिसांनी बस कंडक्टरविरोधात गुन्हा दाखल करण्यात आला. यानंतर कंडक्टर घनश्याम सेवेवरून निलिंबित करण्यात आले. 

Whats_app_banner

संबंधित बातम्या

विभाग
देश विदेशात बातम्या, राजकारण समाजकारण क्षेत्रात घडणाऱ्या प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर