Viral Video: दारूच्या नशेत तर्रर्रर्र असलेल्या तरुणीचा भररस्त्यात राडा, पोलिसांशीही घातला वाद!

सोशल मीडियावर व्हायरल होत असलेल्या व्हिडिओमध्ये दिसत आहे की, एक तरुणी मद्यधुंद अवस्थेत रस्त्यावर गोंधळ घालताना दिसत आहे. तर, व्हिडिओ रेकॉर्ड काढणाऱ्या व्यक्तीला ती व्हिडिओ का काढत आहे? अशी विचारणा करते. यावर व्हिडिओ काढणारा व्यक्ती तिला उद्धटपणे उत्तर देते. पुढे तरुणी मद्यधुंद अवस्थेत तिच्या मित्राला तेथून जाऊ, असे बोलते. तरुणीसोबत असलेला तिचा मित्र तिला शांत करण्याचा प्रयत्न करतो. परंतु, ती कोणाचेही ऐकून घ्यायला तयार नाही.

व्हिडिओत तरुणी पोलिसांजवळ जाऊन बोलते की, 'व्हिडिओ करण्याचे काही कारण नाहीये. आम्ही तुम्हाला काही करत नाहीये, आम्ही दूर थांबलो आहोत. आम्ही नशेत आहोत, आम्ही दारू पिऊन आलो आहोत, तुम्हाला काय त्रास होतोय.' त्यानंतर तरुणीचा मित्र तिला घेऊन बाजूला जातो. दरम्यान, तरुणीच्या मित्राने मद्यपान केले होते की नव्हते, हे अद्याप स्पष्ट झाले नाही.

@NCMIndiaa या ट्विटर हँडलवरून हा व्हिडिओ शेअर करण्यात आला आहे. या व्हिडिओवर नेटकऱ्यांच्या भन्नाट प्रतिक्रिया येत आहेत. काहींनी पोलिस पैस उकळण्यासाठी त्रास देत आहे असा आरोप केला. तर, काहींनी मद्यधुंद तरुणीवर टिका केली. एका व्यक्तीने म्हटले आहे की, बार वेळत बंद झाले तर, अशा घटना टाळता येऊ शकतात. सामान्य जनतेवर दादागिरी दाखवण्यापेक्षा बारवाल्यांना आणि क्लबवाल्यांविरोधात कारवाई करा. दुसऱ्या व्यक्तीने म्हटले आहे की, हे असले बाहेरून महाराष्ट्रात शिकायला आलेले. अशा लोकांमुळे महाराष्ट्राची बदनामी होत आहे. तिसऱ्या व्यक्तीने म्हटले आहे की, पोलिसांना दारुची दुकान बंद करायचा हिंमत होत नाही आणि सामान्य जनतेला त्रास देत आहेत. चौथ्या व्यक्तीने म्हटले की, तरुणीची चूक आहेच, पण पोलिसांनीही थोडे नरमाईने बोलायला पाहिजे. तरुणीसोबत असलेला तरुण आदराने बोलत आहे. त्याठिकाणी महिला पोलीस नाही. त्यांना समज देऊन दुसऱ्या दिवशी पोलीस ठाण्यात बोलवले पाहिजे.