Viral Video: पाळीव कुत्र्यांना कारच्या सनरूफवर बसवून प्रवास, गाडी चालवणाऱ्या तरुणाला अटक; पाहा व्हिडिओ

व्हिडिओ व्हायरल व्हिडिओमध्ये हा व्यक्ती आपल्या पाळीव कुत्र्यांना कोणत्याही हार्नेस किंवा टिथरशिवाय आपल्या लाल रंगाच्या कारवर ठेवताना दिसत आहे. या कृत्यामुळे कुत्रे आणि इतर प्रवाशांचे नुकसान होऊ शकते, म्हणून दुचाकीस्वार त्याच्या निष्काळजीपणावर प्रश्न चिन्ह उपस्थित करतो, तेव्हा कारचालक व्यक्ती दुचाकीस्वाराला शिवीगाळ करतो आणि त्याला तू तूझे काम कर, असा दम देतो. लाल रंगाच्या कारवर 'प्रेस' स्टिकर असून त्यावर 'हरीला रिस्क आवडते', असे कॅप्शन देण्यात आले आहे. कल्याण नगरजवळ ही घटना घडल्याचे सांगण्यात येत आहे.

Viral Video: रील बनवताना तरुणीसोबत घडलं असं काही, व्हिडिओ पाहून तुम्हालाही हसू आवरणार नाही!

नेटकऱ्यांनी दिल्या अशा प्रतिक्रिया

सोशल मीडिया वापरकर्त्यांनी पाळीव कुत्र्यांबद्दल तीव्र चिंता व्यक्त केली आणि पोलिसांनी त्या व्यक्तीला तुरुंगात टाकण्याची मागणी केली. एका युजरने लिहिले की, 'कारचा रजिस्ट्रेशन नंबर स्पष्ट दिसत आहे. मला आशा आहे की @blrcitytraffic दखल घेईल आणि या व्यक्तीवर कारवाई करतील. इतरांचा जीव धोक्यात घालणाऱ्या अशा अहंकारी वाहनचालकांना चांगला धडा शिकवला पाहिजे. आणखी एका युजरने लिहिले की, जर या व्यक्तीला अटक झाली नाही तर आम्ही आंदोलन सुरू करू. त्याला वाहतुकीचे उल्लंघन, जनावरांना शिवीगाळ, बेदरकार वर्तन, इतरांना शाब्दिक शिवीगाळ आदी कलमाअंतर्गत अटक करण्यात यावी.

बेंगळुरू पोलिसांचे स्पष्टीकरण

व्हिडिओ ऑनलाइन शेअर केल्यानंतर काही तासांतच बेंगळुरू पोलिसांनी या व्यक्तीला त्याच्या वाहन नोंदणीद्वारे पकडले. हरीश असे आरोपीचे नाव असून तो बेंगळुरू येथील एका सलूनमध्ये काम करत होता. त्याचा व्हिडिओ सोशल मीडियावर व्हायरल झाल्यानंतर या व्यक्तीला पोलिसांनी ताब्यात घेऊन त्याच्याविरोधात विविध कलमांतर्गत गुन्हा दाखल केला. बेंगळुरू पोलिसांनी एका एक्स पोस्टमध्ये लिहिले आहे की, ‘कुत्र्यांवर प्रेम करा, ते स्टंट ड्रायव्हर नाही. अशा प्रकारचा निष्काळजीपणामुळे तुम्हाला आमच्या स्टेशनची सहल करावी लागेल, पण ती जॉयराइड नसेल.’