viral video : अ‍ॅमेझॉनवर ऑनलाइन मागवलेल्या पार्सलमधून निघाला किंग कोब्रा, व्हिडिओ पाहून उडेल थरकाप

मीडिया रिपोर्ट्सनुसार, बेंगळुरूमधील सर्जापूर रोडवर राहणाऱ्या संबंधित व्यक्तीने सांगितले की, त्याने ॲमेझॉन ऑनलाइन शॉपिंग ॲपवरून एक्सबॉक्स कंट्रोलरची ऑर्डर दिली. पण जेव्हा ऑर्डर बॉक्स आला आणि त्याने तो उघडायला सुरुवात केली तेव्हा त्याच्या आतून एक कोब्रा साप बाहेर आला. हे पाहून त्याची पत्नी घाबरली. महत्त्वाचे म्हणजे, हा साप पॅकेजिंग टेपला चिकटल्याने त्याला बाहेर पडता आले नाही. कसातरी त्यांनी बॉक्स पुन्हा बंद केला.

Reel बनवण्यासाठी हद्दच केली! कडेवर बाळ घेऊन महिला दुसऱ्या हाताने ओढू लागली सिगरेट, Video पाहून लोकांचा संताप

Viral Video: बाबो! साउथच्या हिरोंपेक्षा काही कमी नाही हा व्यक्ती, कंबरेला साप बांधून ओढतोय सिगरेट

अ‍ॅमेझॉनकडून खेद व्यक्त

पीडित दाम्पत्याने सांगितले की, त्यांनी त्यांच्या सोशल मीडिया अकाउंटवर संपूर्ण तपशीलांसह व्हिडिओ पोस्ट केला. व्हिडिओसह लेखी तक्रारही कंपनीच्या अधिकाऱ्याला ईमेलद्वारे करण्यात आली. यानंतर कंपनीने त्यांच्या पोस्टवर प्रतिक्रिया दिली. कंपनीने लिहिले की, अ‍ॅमेझॉनकडून मिळालेल्या ऑर्डरबद्दल तुम्हाला झालेल्या गैरसोयीबद्दल जाणून घेतल्याबद्दल खेद वाटतो. कंपनी या प्रकरणाची चौकशी करणार आहे. कंपनीने म्हटले आहे की, लवकरच कंपनीची एक टीम तुमच्याशी अपडेट्स घेऊन संपर्क करेल. परंतु, या जोडप्याचे म्हणणे आहे की, आतापर्यंत कंपनीच्या टीमने त्यांच्याशी संपर्क साधला नाही. कोब्रा सापाला सुरक्षित ठिकाणी सोडण्यात आले असले तरी कंपनीचा दृष्टिकोन समाधानकारक नाही.

Viral News : बकरी ईदला कुर्बानीपासून वाचवण्यासाठी ११ लाख रुपयांत खरेदी केले १२७ बकरे; आता करणार सेवा

नेटकऱ्यांमध्ये संतापाची लाट

याप्रकरणी अ‍ॅमेझॉन चौकशी करणार आहे. चौकशीतून नेमकी कोणती माहिती समोर येते, हे पाहणे महत्त्वाचे ठरणार आहे. या घटनेचा व्हिडिओ सोशल मीडियावर प्रचंड व्हायरल होत आहे. हा व्हिडिओ पाहून अनेकांनी अ‍ॅमेझॉनवरून वस्तू ऑर्डर करताना काळजी घेण्याचे आवाहन केले. तर, काही लोकांनी अ‍ॅमेझॉनला ग्राहकांच्या जीवाची पर्वा नाही, असे म्हणत संताप व्यक्त केला.