बाबो.. लिपस्टिक बॅगची किंमत ऐकून डोळे विस्फारतील..! लोक म्हणाले इतक्या पैशात घर मिळेल
Viral News : सोशल मीडियावर व्हायरल झालेल्या एका व्हिडिओमध्ये एक मुलगी स्वत:साठी लिपस्टिक घेऊन बॅग खरेदी करताना दिसत आहे. या छोट्या पिशवीची किंमत सुमारे २७.५ लाख रुपये असल्याचे दुकानदाराचे म्हणणे आहे. हा व्हिडिओ व्हायरल होताच लोक त्यावर संमिश्र प्रतिक्रिया देत आहेत.
जगात असे अनेक लोक आहेत ज्यांना दोन वेळचे जेवणही मिळत नाही. तर दुसरीकडे असेही लोक आहेत जे आपल्या आलिशान आयुष्यासाठी प्रचंड खर्च करतात. अलीकडे इंटरनेटवर लिपस्टिक बॅगची चर्चा जोरात सुरू आहे. व्हायरल व्हिडिओमध्ये आई आणि मुलगी २७.५ लाख रुपयांपेक्षा जास्त किंमतीची हर्मेस लिपस्टिक बॅग खरेदी करताना दिसत आहेत. सोशल मीडियावर या बॅगच्या किंमतीवरून चर्चा सुरू झाली आहे.
लव्ह लक्झरी नावाच्या हँडलसह सोशल मीडिया साइट इन्स्टाग्रामवर हा व्हिडिओ पोस्ट करण्यात आला आहे. व्हिडिओच्या सुरुवातीला मुलीची आई स्वतःची ओळख करून देत म्हणते, "मी मुंबईची आहे. मला माझ्या मुलीसाठी काही बॅग्ज आणायच्या आहेत कारण डिसेंबरमध्ये तिचे लग्न आहे. मग मुलगी दुकानदाराशी बोलते आणि तिला लिपस्टिक बॅग देण्यास सांगते. तिची आई तिला मोठी बॅग घ्यायला सांगते पण मुलीला तीच छोटी बॅग स्वतःसाठी विकत घ्यायची आहे. ती आईला समजावून सांगते की मला माझी लिपस्टिक ठेवण्यासाठी स्टायलिश बॅग हवी आहे.
त्यानंतर दुकानदार पॅलेडियम आणि सोन्याच्या हार्डवेअरपासून बनवलेले विविध पर्याय दाखवतो. आई आणि मुलगी दोघींनाही ती पसंत पडते. मुलीला पांढऱ्या रंगाची मिनी बॅग आवडते. याची किंमत सुमारे २७.५ लाख रुपये असल्याचे दुकानदार सांगतो. इतकी महागडी बॅग आई आणि मुलगी विकत घ्यायला तयार होतात. या व्हिडिओला कॅप्शन देण्यात आले आहे की, तुम्ही २६,००० पौंडची बॅग खरेदी करण्यास तयार आहात का? सोशल मीडियावर या व्हिडिओला आतापर्यंत २० लाखांहून अधिक व्ह्यूज मिळाले आहेत.
या व्हिडिओवर लोकांच्या वेगवेगळ्या प्रतिक्रिया येत आहेत. एका युजरने लिहिले की, ती लिपस्टिकसाठी बॅग विकत घेत आहे. इतक्या पैशात येथे अनेक लग्नसोहळे होतील. मात्र मात्र ही बॅग खूप आवडते. पण त्याची किंमत लाखोंमध्ये आहे जी अविश्वसनीय आहे.
आणखी एका युजरने म्हटले की, मला एवढ्या पैशात या लिपस्टिक बॅगशिवाय दुसरे काहीतरी खरेदी करायचे आहे. निरर्थक गोष्टीसाठी मुलीसाठी इतके पैसे खर्च करणे म्हणजे तिचे नुकसान करणे होय.
आणखी एका युजरने लिहिले की, हे खरंच वेडेपाण आहे. एकाने लिहिले की, ती जितक्या किंमतीची बॅग विकत घेत आहेत, तेवढ्याच किंमतीत अलिशान घराचे डाऊन पेमेंट करता येते.
