Viral Video: भल्यामोठ्या अजगराला खेळण्यासारखं कालव्यातून बाहेर काढलं; तरुणाच्या धाडसाचंं कौतुक, पाहा व्हिडिओ
मराठी बातम्या  /  देश-विदेश  /  Viral Video: भल्यामोठ्या अजगराला खेळण्यासारखं कालव्यातून बाहेर काढलं; तरुणाच्या धाडसाचंं कौतुक, पाहा व्हिडिओ

Viral Video: भल्यामोठ्या अजगराला खेळण्यासारखं कालव्यातून बाहेर काढलं; तरुणाच्या धाडसाचंं कौतुक, पाहा व्हिडिओ

Feb 04, 2025 11:10 AM IST

Python Viral Video: भल्यामोठ्या अजगराला सहज कालव्यातून बाहेर काढणाऱ्या तरुणाचा व्हिडिओ सोशल मीडियावर प्रचंड व्हायरल झाला आहे.

व्हायरल व्हिडिओ: भल्यामोठ्या अजगराला खेळण्यासारखं कालव्यातून बाहेर काढलं
व्हायरल व्हिडिओ: भल्यामोठ्या अजगराला खेळण्यासारखं कालव्यातून बाहेर काढलं (Instagram/vishalsnakesaver)

Viral News: साप किंवा अजगर पाहिल्यानंतर भल्याभल्यांना घाम फुटतो, पण एका तरुणाने भल्यामोठ्या अजगराला खेळण्यासारखे कालव्यातून बाहेर काढले, ज्याचा व्हिडिओ सोशल मीडियावर व्हायरल झाला आहे. या व्हिडिओला आतापर्यंत लाखो लोकांनी पाहिला आहे. दरम्यान, अनेकांनी या तरुणाच्या धाडसाचे कौतूक केले आहे.

व्हायरल होत असलेल्या व्हिडिओमध्ये संबंधित तरुण कालव्यात असलेल्या अजगराकडे जातो. कालव्यातील अजगर १५ फूट लांब असतानाही तरुण घाबरत नाही. त्याऐवजी तो संयम, शांतता आणि काळजीपूर्वक अजगरला पाण्यातून बाहेर काढतो.  यावेळी अजगर त्याच्यावर हल्ला करण्याचा प्रयत्न करतो. परंतु, हा तरुण आपले कौशल्य आणि अनुभवाच्या जोरावर अजगराला चकवा देत त्याला पाण्यातून बाहेर काढण्यास यशस्वी ठरतो.

'विशाल स्नेक सेव्हर' या युजरने इन्स्टाग्रामवर हा व्हिडिओ शेअर केला आहे. या व्हिडिओला आतापर्यंत आतापर्यंत ३६ दशलक्षांहून अधिक लोकांनी पाहिले आहे. तर, बऱ्याच लोकांनी या व्हिडिओला पसंती दर्शवली आहे. याशिवाय, अनेकांनी संबंधित तरुणाच्या धाडसाचे कौतुक केले आहे. 

व्हिडिओवर नेटकऱ्यांच्या प्रतिक्रिया

या व्हिडिओवर ऑनलाइन कमेंट्सचा वर्षाव झाला आहे. एका युजर्सने त्या व्यक्तीच्या धाडसाबद्दल त्याचे कौतूक केले आहे. एका युजरने लिहिले की, ‘मी माझ्या जीवासाठी धडपड कली असते, हा माणूस खरा हिरो आहे.' आणखी एका कमेंटरने कमेंट केली की, ‘अशा परिस्थितीतही तो इतका शांत कसा राहू शकतो? मी तर पाहूनच घाबरलो.’

इतरांनी त्या व्यक्तीच्या कौशल्याचे कौतुक करताना एकाने म्हटले आहे की, 'या व्यक्ती सर्पमित्र असू शकतो, यासाठी त्यांना प्रशिक्षण दिले जाते. एवढ्या मोठ्या अजगरला पकडणे सोपे नाही. तर, एका जणाने तरुणाच्या सुरक्षिततेवर प्रश्नचिन्ह उपस्थित केले. त्याने म्हटले आहे की, स्वत:चा जीव धोक्यात घालून अजगराला अशाप्रकारे बाहेर काढणे, मला योग्य वाटत नाही. कदाचित अशा चुका जीवावर बेतू शकतात.

आणखी एका युजरला हा क्षण अधिक विनोदी वाटला आणि तो म्हणाला, ‘साप कदाचित त्या माणसापेक्षा जास्त घाबरला होता! बघा किती वेगाने पळून जाण्याचा प्रयत्न करतोय.’ कमेंट्सचा वर्षाव सुरूच राहिला, काही युजर्सनी त्या व्यक्तीच्या शौर्याचं कौतुक केले. तर, काहींनी त्या माणसाच्या आणि सापाच्या सुरक्षिततेबद्दल खरी चिंता व्यक्त केली. ‘हे प्रभावी असले तरी आपण हे लक्षात ठेवले पाहिजे की, अशा प्रकारे वन्य प्राण्यांना हाताळणे धोकादायक ठरू शकते’, असे एकाने म्हटले.

Whats_app_banner

संबंधित बातम्या

विभाग
देश विदेशात बातम्या, राजकारण समाजकारण क्षेत्रात घडणाऱ्या प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर