मराठी बातम्या  /  देश-विदेश  /  Viral News : एचआयव्ही पॉझिटिव्ह 'लुटारू वधू'सोबत पाच जणांनी साजरा केला 'हनिमून'; 'या' दोन राज्यात उडाली खळबळ

Viral News : एचआयव्ही पॉझिटिव्ह 'लुटारू वधू'सोबत पाच जणांनी साजरा केला 'हनिमून'; 'या' दोन राज्यात उडाली खळबळ

Jun 24, 2024 07:30 AM IST

Viral News : पश्चिम यूपीमध्ये एक धक्कादायक घटना उघडकीस आली आहे. एका महिलेला काही जणांची लग्न करून त्यांना लुटल्या प्रकरणी उत्तराखंडमधील एका नववधूला पोलिसांनी अटक करून तुरुंगात पाठवले होते. ही नववधू एचआयव्ही पॉसिटीव्ह निघल्याने खळबळ उडाली आहे.

एचआयव्ही पॉझिटिव्ह 'लुटारू वधू'सोबत पाच जणांनी साजरा केला 'हनिमून'; 'या' दोन राज्यात उडाली खळबळ
एचआयव्ही पॉझिटिव्ह 'लुटारू वधू'सोबत पाच जणांनी साजरा केला 'हनिमून'; 'या' दोन राज्यात उडाली खळबळ

Viral News : पश्चिम उत्तर प्रदेशातून एक धक्कादायक घटना समोर आली आहे. मुझफ्फरनगर जिल्ह्यातील टिटवी पोलिसांनी अटक करून दीड महिन्यांपूर्वी कारागृहात पाठवलेल्या लुटारू नववधू व तिच्या साथीदारांना एचआयव्हीची लागण झाल्याचे निष्पन्न झाले आहे. या वृत्ताने तिच्या संपर्कात आलेल्या यूपी आणि उत्तराखंडमधील अनेक लोकांमध्ये घबराट पसरली आहे. पोलिस तिच्या संपर्कात आलेल्यांचा शोध घेत आहेत जे या महिलेच्या फसवणुकीला बळी पडले व तिच्यासोबत हनिमून साजरे करत शारीरिक संबंध प्रस्थापित केले. तिच्या संपर्कात आलेल्या सर्वांच्या चाचण्या केल्या जात आहेत. पोलिसांनी दिलेल्या माहितीनुसार, या लुटारू नवरीने तिच्या साथीदारांसह आतापर्यंत पाच जणांशी लग्न करून त्यांना लुटले आहे.

उत्तराखंडच्या स्वापूर जिल्ह्यातील लुटारू असलेली वधू विनाला पोलिसांनी ६ मे रोजी तिच्या आईसह इतर पाच जणांना अटक केली होती. ही संपूर्ण टोळी बिनोलींच्या माध्यमातून लग्न लावून देत असे. लग्नाच्या दोन दिवसांनंतर रात्री घरच्यांना गुंगीचे औषध देऊन त्यांना घरात डांबून ठेऊन घरातील सामान बांधून पळ काढत असे. तिने आता पर्यंत पाच जणांना या प्रकारे लुटल्याचे तपसात पुढे आहे. या प्रकरणी पोलिसांनी तिला अटक केली. तिला व तिच्या साथीदारांना तुरुंगात पाठवल्यावर ही महिला एचआयव्ही बाधित असल्याचे जेल प्रशासनाने केलेल्या तपासणीत उघड झाले. यानंतर कारागृह प्रशासनाने एआरटी पोर्टलवर तपासणी केली असता तीची एचआयव्ही चाचणी पॉसिटीव्ह निघाली. त्यानंतर जिल्हा रुग्णालयात असलेल्या एआरटी सेंटरमध्ये आरोपी महिलेवर उपचार सुरू करण्यात आले आहेत.

ट्रेंडिंग न्यूज

पाच जणांशी लग्न, तिघांना झाली लागण

पोलिसांनी दिलेल्या माहितीनुसार या महिलेने किती लोकांना फसवले याची माहिती घेतली जात आहे. या दरोडेखोर नवरीने तिच्या टोळीसह पाच जणांशी लग्न केल्याची कबुली टिटवी पोलिसांना दिली आहे. याशिवाय आणखी काही लोकही तिच्या संपर्कात आले होते. आरोपी महिलेने त्यांच्याशी देखील संबंध ठेवले होते. दरम्यान, महिला पॉसिटीव्ह आढळल्याने तिच्या संपर्कात आलेल्या पाच जणांना तपासणी करण्याचे आवाहन करण्यात आले होते. त्यांनी तपासणी केली असता तिघांना एचआयव्हीची लागण झाल्याचे निष्पन्न झाले आहे दरम्यान या महिलेच्या संपर्कात आलेल्यांनी स्वतःची तपासणी करून घ्यावी असे आवाहन पोलिसांनी केले आहे. या प्रकरणावरून यूपी आणि उत्तराखंडमधील लोकांमध्ये खळबळ उडाली आहे. दरोडेखोर वधूच्या बहिणीलाही एचआयव्हीची लागण झाली असून तिचा मृत्यू झाल्याचे सांगण्यात येत आहे.

मुझफ्फरनगर जेलचे अधीक्षक सीताराम शर्मा म्हणाले, तुरुंगात बंद असलेल्या लुटारू वधूने तिला एचआयव्ही बाधित असल्याची माहिती जेल प्रशासनाला दिली होती. त्यानंतर एआरटी पोर्टलवर तपासणी केली असता तिने खरे सांगितल्याचे आढळून आले. सध्या आरोपी महिलेवर जिल्हा रुग्णालयातील एचआयव्ही केंद्रात उपचार सुरू आहेत.

WhatsApp channel
विभाग