Vrial news : मॉडिफाईड नॅनो कार पाहिली का? सोशल मीडियावर कारचा लूक होतोय व्हायरल; नेटकरी चक्रावले

एका व्हायरल सोशल मीडिया व्हिडिओमध्ये एक व्यक्ती आपली मॉडिफाईड नॅनो कार घेऊन रस्त्यावरून जात असल्याचे दिसून येत आहे. या व्हिडिओला सोशल मीडियावर बरीच पसंती मिळत असून, कारच्या नवीन लूक बाबत सोशल मीडिया युझर्स बरीच चर्चा करत असल्याचे दिसून येत आहे .

नॅनोचा असा लुक तुम्ही कधी पाहिला आहे का?

नॅनो कार तुम्ही आतापर्यंत अनेकदा रस्त्यावर धावताना पाहिली असेल. तुम्ही वेगवेगळ्या रंगांच्या गाड्याही पाहिल्या असतील. पण सगळ्या नॅनो या एकसारख्या दिसल्या असतील. पण एका व्यक्तीने आपली नॅनो कार मॉडिफाय करून ती खुल्या कारसारखी बनवली. त्याने गाडीचे छत काढले. यासोबतच करची मागील काचही काढण्यात आली असून, वाहनाच्या छताला स्पर्श करणारा दरवाजाचा काही भागही काढण्यात आला आहे. अशा प्रकारे त्याने आपल्या कारमध्ये बदल करून तिला एक अनोखा आणि स्टायलिश लुक दिला आहे. त्यामुळेच केवळ रस्त्यावरच नव्हे, तर आता सोशल मीडियावरदेखील या कारची चर्चा होत आहे. 

ताजमहलच्या देखभालीत हलगर्जीपणा; भिंतींना तडे गेल्यानंतर आता घुमटामध्ये उगवली झुडपे, फोटो व्हायरल

हा व्हिडिओ इंस्टाग्रामवर bhilaitrend नावाच्या अकाऊंटवरून शेअर करण्यात आला आहे. व्हिडिओ शेअर करताना, 'तुम्हा सर्वांना हा कसा वाटला?', असे कॅप्शन लिहिले आहे. आतापर्यंत या व्हिडिओला ९८ हजारांहून अधिक लाईक्स मिळाले आहेत. जिथे काही लोक कारच्या या नवीन लूक ला पसंती दर्शवित आहेत, तिथेच काही लोक याला नापसंत करत असल्याचेही दिसून आले आहेत.

व्हिडिओ पाहिल्यानंतर एका यूजरने लिहिले - ही लॅम्बोरर्गीनी नाही तर नॅनोगिनी आहे. दुसऱ्या यूजरने लिहिले - भाऊ, पावसाळ्यात तुम्ही त्यात कोणती ताडपत्री ठेवता? तिसऱ्या वापरकर्त्याने लिहिले - कार एसी आरआयपी. दुसऱ्या युजरने लिहिले - हे नष्ट झालेल्या नॅनोसारखे दिसते.