Viral Video : मुसळधार पाऊस, गुडघाभर पाणी; तरीही झोमॅटो डिलिव्हरी बॉयनं ग्राहकांपर्यंत पोहोचवलं जेवण!

ट्विटरवर हा व्हिडिओ शेअर करण्यात आला आहे, जो नंतर इतर सोशल मीडिया प्लॅटफॉर्मवर वेगाने व्हायरल झाला. हा व्हिडिओ अहमदाबाद येथील असून मुसळधार पावसात झॉमॅटोचा डिलिव्हरी बॉय ग्राहकांपर्यंत जेवण पोहोचवत आहे. अनेकांनी हा व्हिडिओ पुन्हा शेअर करत झॉमॅटोचे सीईओ दीपिंदर गोयल यांना टॅग करून संबंधित व्यक्तीला बक्षीस देण्याची विनंती केली.

गोमांस खाल्ल्याच्या संशयातून गोरक्षकांकडून परप्रांतीय मजुराची हत्या, मुख्यमंत्री म्हणाले, गोमातेशी भावनिक नाते..

या व्हिडिओला आतापर्यंत ३.२ लाखांहून अधिक व्ह्यूज मिळाले आहेत आणि ही संख्या वाढतच चालली आहे. या व्हिडिओवर लोकांनी विविध कमेंट्स पोस्ट केल्या आहेत. काहींनी डिलिव्हरी एजंटच्या कामाचे कौतुक केले. तर. काहींनी पूरसदृश्य परिस्थितीत ऑनलाईन जेवण मागवणाऱ्या ग्राहकावर संताप व्यक्त केला.

नेटकऱ्यांच्या प्रतिक्रिया

'या संकट काळात जेवणाची ऑर्डर देणारा तो हुशार माणूस कोण आहे? त्या व्यक्तीला शोधण्याची गरज आहे,' असे एका एक्स युजरने लिहिले आहे. आणखी एकाने म्हटले आहे की, ‘अशा परिस्थितीत सेवा बंद करण्याची गरज आहे.’ तिसऱ्याने लिहिले की, ‘झोमॅटोवर खटला दाखल करण्यात यावा. अशा नैसर्गिक आपत्तीत कंपनीने सेवा बंद करायला हव्यात.’  आणखी एका युजरने म्हटले आहे की, ‘जबाबदारी माणसाला खूप काही गोष्टी शिकवते, या भावाला सलाम! एका व्यक्तीने लिहिले की, ‘दीपिंदर गोयल, झोमॅटो, कृपया या व्यक्तीला बक्षीस द्या.’

गुजरातमध्ये मुसळधार पाऊस

अरबी समुद्रात निर्माण झालेल्या 'आसन' चक्रीवादळामुळे गुजरातमध्येही मुसळधार पाऊस पडत असल्याचा इशारा भारतीय हवामान शास्त्र विभागाने दिला आहे. मुसळधार पावसामुळे राज्यात पूरसदृश्य परिस्थिती निर्माण झाली. यामुळे ३०० हून अधिक मगरींचे वास्तव्य असलेल्या विश्वामित्र नदीला ही पूर आल्याने त्या मानवी वसाहतीत आढळून येत आहेत. गुजरातमध्ये मुसळधार पावसामुळे अनेकांना आपल्या जीव गमवावा लागला आहे.