Arvind Kejriwal: अरविंद केजरीवाल यांच्यावर हल्ला, जीवंत जाळण्याचा प्रयत्न; आपच्या नेत्याचा दावा

दक्षिण दिल्लीतील मालवीय नगर मध्ये पदयात्रेदरम्यान हा प्रकार घडला, जिथे एका व्यक्तीने अरविंद केजरीवाल यांच्यावर ज्वलनशील लिक्विड फेकण्याचा प्रयत्न केला. या घटनेतील आरोपीला ताब्यात घेण्यात आले असून त्याची चौकशी केली जात असल्याचे पोलिसांनी सांगितले. दिल्लीत माजी मुख्यमंत्री सुरक्षित नाही, मग सामान्य माणूस कुठे जाणार? असा प्रश्न आम आदमी पक्षाने उपस्थित केला. सुदैवाने, या घटनेत अरविंद केजरवाल यांना कोणतीही इजा झाली नाही.

‘मोदींची स्मरणशक्ती बायडेन यांच्याप्रमाणे हरवत चाललीय’ राहुल गांधींचे हे वक्तव्य दुर्दैवी; परराष्ट्र मंत्रालयाची टीका

आप'च्या समर्थकांनी आरोपी तरुणाला बेदम मारहाण केली. त्यानंतर केजरीवाल आणि त्यांच्यासोबत असलेले सुरक्षा रक्षक तोंड पुसताना दिसले. याच भागातील रहिवासी असलेल्या आरोपीला स्थानिक पोलिस ठाण्यात नेण्यात आले आहे. अरविंद केजरीवाल यांच्यावर झालेल्या हल्ल्यावर प्रतिक्रिया देताना दिल्लीचे मंत्री सौरभ भारद्वाज म्हणाले, ‘भाजपचे नेते सर्व राज्यांमध्ये सभा घेतात, त्यांच्यावर कधीही हल्ला होत नाही. अरविंद केजरीवाल यांच्यावर सातत्याने हल्ले होत आहेत.’ सौरभ भारद्वाज यांनी केजरीवाल यांना जिवंत जाळण्याचा प्रयत्न झाल्याचा आरोप केला. त्यांच्यावर आत्म्याने हल्ले करण्यात आले आहेत. आरोपीच्या एका हातात स्पिरीट आणि दुसऱ्या हातात मॅच बॉक्स होता, असेही त्यांनी म्हटले

'नांगलोईमध्ये भाजपने त्यांच्यावर हल्ला चढवला. छतरपूरमध्ये त्यांच्यावर हल्ला करण्यात आला. यासोबतच सौरभ भारद्वाज यांनी कायदा आणि सुव्यवस्थेच्या मुद्द्यावरून केंद्र सरकारवर जोरदार हल्ला चढवला. दिल्लीतील कायदा व सुव्यवस्थेची स्थिती ढासळली असून केंद्र सरकार आणि गृहमंत्री काहीच करत नाहीत, असेही सौरभ भारद्वाज म्हणाले.

दिल्लीचे मुख्यमंत्री अरविंद केजरीवाल यांनी सोमवारी पंचशील पार्क परिसरात चाकूने भोसकून हत्या करण्यात आलेल्या व्यक्तीच्या कुटुंबीयांची भेट घेतली. केजरीवाल म्हणाले की, या घटनेमागील हेतू अद्याप स्पष्ट न झाल्याने पीडित कुटुंबाला मोठा धक्का बसला आहे. दिल्लीत गुन्हेगारी शिगेला पोहोचली आहे. शहरात गोळीबाराच्या घटना घडत आहेत.

केजरीवाल पुढे म्हणाले की, ‘अमित शहा गृहमंत्री झाल्यापासून दिल्लीतील कायदा आणि सुव्यवस्थेची स्थिती बिकट झाली आहे. मी अमित शहांना विचारू इच्छितो की, तुम्ही कारवाई कधी करणार?’ यावेळी केजरीवाल यांच्यासोबत सौरभ भारद्वाज उपस्थित होते. दक्षिण दिल्लीतील पॉश भागांपैकी एक असलेल्या पंचशील पार्कमधील एका व्यक्तीवर त्याच्याच घरात २२ वेळा चाकूने वार करण्यात आले. त्यामुळे संपूर्ण परिसरात भीतीचे वातावरण पसरले आहे. काही दिवसांपूर्वी ग्रेटर कैलास परिसरात एका जिम मालकाची गोळ्या झाडून हत्या करण्यात आली .