Vande Bharat: खुशखबर..! काश्मीर जाणाऱ्या वंदे भारत ट्रेनमधून FREE मध्ये प्रवास करू शकणार ‘हे’ प्रवासी

श्रीनगरला धावणाऱ्या वंदे भारत ट्रेनचे भाडे आणि वेळापत्रकाची माहिती भारतीय रेल्वे लवकरच देणार आहे. १९ एप्रिलपर्यंत तो प्रदर्शित होऊ शकतो, असे मानले जात आहे. त्याची देखभाल उत्तर रेल्वे (एनआर) करणार आहे. एसी चेअर कारचे तिकीट १६०० रुपये आणि एक्झिक्युटिव्ह चेअर कारचे भाडे २५०० रुपयांपर्यंत असू शकते, असे मानले जात आहे. भाड्याची अधिकृत माहिती लवकरच दिली जाईल. इतर गाड्यांप्रमाणेच पाच वर्षांपर्यंतच्या मुलांसाठीही ही गाडी मोफत असेल. ईटी नाऊशी बोलताना भारतीय रेल्वेच्या एका वरिष्ठ अधिकाऱ्याने सांगितले की, वंदे भारत ट्रेनने प्रवास पाच वर्षांखालील मुलांसाठी विनामूल्य असेल. मात्र, त्याला सीट हवी असेल तर त्याला पूर्ण भाडे द्यावे लागणार आहे.

केवळ तीन तासात गाठता येणार काश्मीर -

जम्मूहून काश्मीरला रस्त्याने पोहोचण्यासाठी साधारणत: सात ते आठ तास लागतात, पण वंदे भारतच्या माध्यमातून हा वेळ निम्म्याने कमी होणार आहे. वंदे भारतच्या माध्यमातून कटरा ते श्रीनगर असा प्रवास अवघ्या तीन तासात करता येणार आहे. याचा फायदा काश्मीरला जाणाऱ्या पर्यटकांना तर होईलच, शिवाय स्थानिक विकासासाठीही ही ट्रेन फायदेशीर ठरू शकते. काश्मीर प्रवासादरम्यान ही गाडी रियासी सेक्टरमधील चिनाब नदीवर बांधण्यात आलेल्या जगातील सर्वात उंच रेल्वे पुलावरूनही जाणार आहे.