हे तर अजबच झालं! ऋषिकेशमध्ये स्कूटी घेऊन पळाला बैल, Video पाहून हसू आवरणार नाही

भूपी पन्वार नावाच्या हँडलने सोशल मीडिया एक्सवर एक व्हिडिओ पोस्ट केला आहे. त्यांनी लिहिलं आहे की, माणसं अनेकदा स्कूटी चोरताना दिसली असतील, पण ऋषिकेशमधील स्कूटी चोरीचं प्रकरण काहीसं वेगळं आहे. येथील रस्त्यावर फिरणाऱ्या भटक्या बैलांनाही दुचाकी स्कूटीची आवड आहे. ३२ सेकंदाच्या या व्हिडिओमध्ये ऋषिकेशमधील एक रस्ता दाखवण्यात आला आहे. तिथे २-२ लोक जात आहेत, शेजारी एक बैलही उभा आहे. बैलाच्या शेजारीच पांढऱ्या रंगाची स्कूटीही आहे. लोक निघून जाताच बैलाला काय विचार करावा हे सुचत नसल्याने त्याने स्कूटी जोरात ढकलली आणि त्यावर स्वार होऊन पुढे निघाला.

सीसीटीव्ही फुटेजमध्ये पुढे असे दिसून आले आहे की, बैलाने स्कूटर आरामात चालवत असताना बाजूच्या खांबाआड नेऊन लपवून ठेवली. त्यानंतर काही सेकंद बैल स्कूटी लपवून तिथेच उभा राहिला. आता हा व्हिडिओ लोकांमध्ये चर्चेचा विषय बनला आहे. एका युजरने लिहिले की, मी हे पहिल्यांदाच पाहिले आहे. एकाने लिहिले की, बैल स्कूटी चोरत नव्हता, त्याचा दुसरा काही तरी प्लॅन होता. निम्म्याहून अधिक लोकांनी हसणारे इमोजी पाठवून याचा आनंद घेतला.