मराठी बातम्या  /  देश-विदेश  /  Tiger Kills Woman: जंगलात चारा आणण्यासाठी गेलेली महिला वाघाच्या हल्ल्यात ठार!

Tiger Kills Woman: जंगलात चारा आणण्यासाठी गेलेली महिला वाघाच्या हल्ल्यात ठार!

Ashwjeet Rajendra Jagtap HT Marathi
Jan 16, 2024 08:02 PM IST

Tiger Kills Woman: आईसह जंगलात चारा आणण्यासाठी गेलेली महिला वाघाच्या हल्ल्यात ठार झाल्याची माहिती समोर आली.

Tiger
Tiger (Pixabay)

20 year Old Dies By Tiger Attack: उत्तर प्रदेशच्या बिजनौर जिल्ह्यातील अमानगढ भागात सोमवारी वाघाच्या हल्ल्यात एका २० वर्षीय महिलेचा मृत्यू झाला. ही घटना सोमवारी संध्याकाळी घडली. मृत मुलगी तिची आणि शेजाऱ्यांसोबत जंगलात चारा गोळा करण्यासाठी गेली होती. त्यावेळी वाघाने तिच्यावर हल्ला केला, अशी माहिती बिजनौरचे विभागीय वनअधिकारी अरुण कुमार यांनी दिली.

या घटनेची माहिती मिळताच डीएफओ अरुण कुमार यांच्यासह वनविभागाच्या पथकाने घटनास्थळी धाव घेऊन कोम्बिंग ऑपरेशन सुरू केले. वाघाच्या हालचाली टिपण्यासाठी परिसरात कॅमेरा ट्रॅपही लावण्यात आले. बिबट्याला पकडण्यासाठी पुढील कारवाईसाठी अधिकाऱ्यांनी बैठक घेतली, असेही वन अधिकाऱ्याने सांगितले. आम्ही लोकांना चारा गोळा करण्यासाठी जंगलात न जाण्याचे निर्देश दिले.

महत्त्वाचे म्हणजे, गेल्या आठ वर्षांत या भागात वाघाचा हा दुसरा हल्ला आहे. ज्या ठिकाणी वाघाने महिलेला ठार केले, त्या ठिकाणापासून अवघ्या आठ किलोमीटर अंतरावर असलेल्या जिम कॉर्बेट राष्ट्रीय उद्यानात वाघाने एका मजुरावर हल्ला केला होता, ज्यात मजुराचा मृत्यू झाला.

पश्चिम उत्तर प्रदेशातील पहिला व्याघ्र प्रकल्प म्हणून घोषित करण्यात आला. ताज्या सर्वेक्षणानुसार, अमानगड व्याघ्र प्रकल्पात ३२ वाघांची लोकसंख्या असून ती वाढत आहे. जानेवारी २०२३ पासून जिल्ह्यात या वाघांनी विविध ठिकाणी महिला आणि मुलांसह १९ जणांचा विकेट घेतला असून अनेक जण जखमीही झाले.

बिबट्यांचा वाढता प्रादुर्भाव लक्षात घेता राज्याच्या वन्यजीव विभागाने दोन बिबट्यांना नरभक्षक घोषित करून त्यांचा खात्मा करण्याचे आदेश दिले. अमानगड आणि आसपासच्या परिसरात वाघाच्या हल्ल्यामुळे वनअधिकारी आणि स्थानिक रहिवाशांच्या चिंतेत भर पडली.

WhatsApp channel

विभाग